-
ಓತಿಕ್ಯಾತ.
ಎಲ್ಲಾ ಕೋನಗಳಲ್ಲೂ
ತಿರುಗಬಲ್ಲ ವಿಸ್ತಾರ ದೃಷ್ಟಿ, ಚಕ್ರಾಕಾರ
ಪರಿಪೂರ್ಣ ದುಂಡಾದ ಕಪ್ಪು ಕಣ್ಣು
ಛೇಧಿಸಿ ಚಲಿಸುತ್ತದೆ ಬೆಳಕಿನಂತೆ
ಸಕಲದಿಕ್ಕುಗಳ ಸಮನಾಂತರಗಳಲ್ಲಿ
ದೃಷ್ಟಿ ಮಾತ್ರ ಅತಿ ತೀಕ್ಷ್ಣ..
ಪರಪೋಷಕ ಕೀಟಾವಲಂಬಿ ಉರಗ
ಮೋಸಗಾರ ಸಲಗ, ರೋಗ ಮುಕ್ತ ಅಭಾದಿತ ಭಾಗ
ತನ್ನನೆಲೆಯಲ್ಲೇ ಕರಗಿ ಇಲ್ಲದಾಗುವ ಕಲೆ
ಅಪರೂಪದ ಛದ್ಮರೂಪಿ,ವಂಚಕ
ನಿಶ್ಚಲ ಬೇಟೆಗಾರ,ಮಹಾಸಮಯಸಾಧಕ
ಮೌನದಲ್ಲೂ ಬೇಟೆಯಾಡಬಲ್ಲ ಅಸಮಾನ್ಯ
ಅಂಟು,ಅಂಟಾದ ಸಿಂಬೆ ಸುತ್ತ ಉದ್ದ ನಾಲಿಗೆ
ದವಡೆಗಳ ಮಧ್ಯೆ ಗುಪ್ತ ವಿಷಗ್ರಂಥಿ, ನಿಶ್ಯಭ್ದ
ಹೇಗೆ ಬೇಕಾದರೂ ತಿರುಗಿಸಿ ಬಲೆ ಬೀಸಬಲ್ಲ
ನೆಲಪಟಾಕಿ ವಿಷ್ಣುಚಕ್ರದಂತೆ ಸುತ್ತಿಕೊಂಡ ಬಾಲ
ಅನುಮಾನ! ಬೆನ್ನೆಲುಬುರಹಿತ ಜೀವಿಯೇ!
ಇದು....ಪೆಡಸು ನಕ್ಶತ್ರ! ಹಸಿರಲ್ಲೇಕೇ ಪ್ರತ್ಯಕ್ಷ
ಅಲ್ಲ, ಮುದುರಿಕೊಂಡೇ ಹೊಂಚುಹಾಕುವ
ಶಿಕಾರಿ, ಹಾಕಲಿದ್ದಾನೆ ಸುಕ್ಕಾದ ಜಾಲ
ಚಿಪ್ಪಿನ ಒರಟಾದ ಮುಳ್ಳು ಚರ್ಮ
ಉಳುವಿಕೆಯ ಮರ್ಮ,ಶಿಲಾರೂಪಿ
ತ್ರಿಕೋನ ತಲೆಯಲ್ಲಿ ನುರಾರು ಮಡವೆಗಳು
ಬದಲಾಗುವ ವರ್ಣಕ,ಎಲೆಯ ಹಸಿರು,
ಕಂದು ಕಾಂಡ,ಕಪ್ಪುಟೊಂಗೆ ,ಬೊಡ್ಡೆ ಬಂಡೆ ಬಣ್ಣ!
ಏನು ಹೇಳಲಿ ಅಣ್ಣ... ಹೂವು...ಮಳೆಬಿಲ್ಲು ಬಣ್ಣ
ಕಾಮನಬಿಲ್ಲಿನ ಕಾಮಣ್ಣ
ಯಾವುದು ನಿನ್ನ ನಿಜಬಣ್ಣ?
ನಿಜ ನಿನ್ನ ಅಸ್ತಿತ್ವ, ಕೇವಲ ಸರಿಯುವ ಛಾಯೆ,
ಬೆಳೆದು ಕರಗುವ ನೆರಳು ಜೀವ ಸರಳು
ಬೆದರಿ ಬೆವರುವ ಬೇಟೆ, ನಿಶ್ಚಲ ಬೊಂಬೆ
ಭ್ರಮೆ,ಉಳಿಯುವಿಕೆಯ ಸಂಭವನೀಯ ಪ್ರಮಾಣ
ಪ್ರದಕ್ಷಣೆ ಹಾಕುತ್ತಿದೆ ಮರಣ,ಕಣ್ಮುಂದೆ
ಅರಿವಿಲ್ಲದೆ ದಿಟ್ಟಿಸಿ ಆಹುತಿಯಾಗುವ ಬೇಟೆ
ಸಮರ್ಥ ನೀನು ಮಿಸುಕಾಡುವುದಿಲ್ಲ
ಬದುಕುತ್ತೀಯಾ ಖಂಡಿತಾ,
ಸತತ ಬದಲಾಗುವ, ಗೋಜಲು ನೋಟ
ಈ ವರ್ಣಮಯ ದೃಷ್ಯಕಾಲದಲ್ಲಿ.....
Like
Comment

Comments

Post a Comment

Popular posts from this blog

ಕಾಗೆ....

-
Image
ಕಾಗೆ  ನಾನು ಶಾ ಲೆ ಗೆ ಎಲ್ಲರಗಿಂತ ಮುಂಚೆ ಎಂಟು ವರೆಗೆ ತಲುಪಿದೆ. ಯಾರು ಬಂದಿರಲಿಲ್ಲ. ಬರುವುದು ಇಲ್ಲ. ಕಾರಣ ಅಕ್ಟೋಬರ್ ರಜೆ, ಇನ್ನು ನಮ್ಮ ಆಫೀಸ್ ನ ಸಹೋದ್ಯೋಗಿಗಳು ಬರುವುದಕ್ಕೆ ಕನಿಷ್ಠ ಇನ್ನೊಂದುಗಂಟೆಯಾದರೂ ಬೇಕು. ಮೇಷ್ಟ್ರುಗಳು ಹಾಗು ಹುಡುಗರು ಬರುವ ಪ್ರಶ್ನೆ ಇಲ್ಲ. ಹಿಂದಿನ ರಾತ್ರಿ ಮಳೆಜೋರಾಗಿ ಬಂದುದರಿಂದ ಚಾವಣಿಯಿಂದ ಇನ್ನು ನೀರು ಹನಿ ಹನಿ ಯಾಗಿ ತೊಟ್ಟಿಕ್ಕುತ್ತಿತ್ತು. ಪಕ್ಕದ ಹಾಲ್ ನಲ್ಲಿ ಮರಿಯಪ್ಪನವರು ತಮ್ಮ ಕಾಲೇಜ್ ಹುಡುಗರಿಗೆ ಕಾಮರ್ಸ್ ಟ್ಯುಶನ್ ಮಾಡುತ್ತಿದ್ದರು. ರೈನ್ ಕೊಟ್ ಬಿಚ್ಚಿ ಕುರ್ಚಿಗೆ ನೇತುಹಾಕಿ ಕುಳಿತು, ನನ್ನ ಪ್ರತಿನಿತ್ಯದ ಅಭ್ಯಾಸದಂತೆ ಸಾಮಾನ್ಯವಾಗಿ ಕಳಿಸುವ ಸ್ನೇಹಿತರಿಗೆಲ್ಲಾಮೆಸೇಜ್ ಕಳಿಸಿ, ಬೇರೇನೂ ಕೆಲಸ ತೋಚದೆ, ಟ್ಯೂಬ್ ಲೈಟ್ ಆನ್ ಮಾಡಿ, ಹತ್ತನೆಯ ತರಗತಿಯ ಜೀವವಿಜ್ಞಾನದ ಪುಸ್ತಕ ತಿರುವಿಹಾಕಲು ಶುರು ಮಾಡಿದೆ. ಯಾವುದು ಹೊಸ ವಿಷಯ ಇಲ್ಲ, ಕ್ಲಾಸ್ ಗೆ ತಯಾರಿ ಮಾಡಿಕೊಳ್ಳುವಷ್ಟು ಅಗತ್ಯವೂ ಇರಲಿಲ್ಲ. ಏನುತೋಚದೆ ಸ್ಟಾಫ್ ರೆಜಿಸ್ಟರ್ ತೆಗೆದು ಸಹಿ ಹಾಕಿದೆ. ಹೊರಗಡೆ ಮೋಡ ಕವಿದ ವಾತಾವರಣ. ಇವೊತ್ತು ಸಹಾ ಮಳೆ ಬರಬಹುದುಎನಿಸಿತು. ಮೂರನೇ ಮಹಡಿಯಿಂದ ಮಬ್ಬಾದ ಎದುರಿಗಿನ ಆಕಾಶ ನೋಡುವುದು ಒಂದು ಅನುಭವ. ಇದ್ದಕ್ಕಿದ್ದ ಹಾಗೆ ತೆರೆದ ಬಾಗಿಲಿನಿಂದ ಕಾಗೆ ಹಾರಿ ಬಂದು ನನ್ನ ತಲೆಯ ಮೇಲಿದ್ದ ಕಿಟಕಿಯ ಮೇಲೆ ಕುಳಿತು ಒಂದು ಪಕ್ಕದಿಂದ ಇನ್ನೊಂದು ಪಕ್ಕಕ್ಕೆ ಹದರಿ ಹೊರ
Read more
-
  ನೆನಪು. ತಾಯಿಯ ಮಮತೆಯ ಅಂಟಿಕೊಂಡಿದ್ದು ಗರ್ಭದ ಗೋಡೆಗಾದರೂ ಹೊಕ್ಕಳು ಹುರಿ ಹರಿದು ಹುಟ್ಟಿದ್ದು ಊದುಕು ಲುಮೆಯ ತೊಟ್ಟಿಲಲ್ಲಿ. ಬಿಸಿಲ ಝಳದಲೇ ಜಾರಿದ ಬಾಲ್ಯ ಕಾಡುಬಂಡೆಗಳಮೇಲೆ ಚಿಗುರಿದ ಯವ್ವನ, ಜೂಟಾಟ, ಕಣ್ಣುಮುಚ್ಚಾಲೆ ಕೊರಕಲು ಪ್ರಪಾತಗಳಲ್ಲಿ, ತಳರಹಿತ ಗವಿಯ ಸಂದು, ಗೊಂದುಗಳ ನೆರಳಲ್ಲೂ ತೀವ್ರ ತಾಪವೇ ಹವಾ ನಿಯಂತ್ರಿತ ಆವಾಸ. ಬಂಡೆಗಳನ್ನೇ ಯಾಮಾರಿಸಿ ಕೊರಕಲಲ್ಲೇ ಆವಾಸ ಕಂಡ ನೇರಲೆ,ಕಾರೆ,ಕವಳೆ,ಲೇಬೆ, ಬೋರೆ ಗಂಜಿಗೆ. ಕೊರಕಲುಗಳಲ್ಲಿ ತಲೆ ಎತ್ತಿರುವ ಗುಲಗಂಜಿ. ಉಪಹಾರ ಯಾವುದಾದರೇನು ಹಸಿವುಮಾತ್ರ ಪಂಚತಾರ ಹೋಟೆಲ್ ಗಳಂತೆ.ಆಲ್ಲಿ ಸ್ವಸಹಾಯ ಪಧ್ದತಿ ಕಡ್ಡಾಯ.  ಬಹಿರ್ದೆಸೆಯ ಚಾರಣದಲ್ಲಿ ಸಿತಾಫಲ ಅನ್ ಲಿಮಿಟೆಡ್ ನುರಿತ ಪರ್ವತಾರೋಹಿಗೆ. ನಿರ್ಜನ ಕಣಿವೆಯಲಿ ಸ್ವಗತ, ಶಾಶ್ವತ. ಸಂಭಾಷಣೆ ಕೂಗೋಗುಡ್ಡದ ಪ್ರತಿಧ್ವನಿಯಲಿ ಕಂಪಿಸಿ, ರಾಕ್ಷಸ ಇಳಿಜಾರು ಬಂಡೆ ಬೈಗಳ ಪ್ರತಿಧ್ವನಿಯ ರೋಮಾಂಚನ ಶ್ರವಣ. ನೇಯ್ಗೆ ಮಗ್ಗಗಳ ನಿಲ್ಲದ ನಡಿಗೆಯ ರೇಶಿಮೆಯ ಹೆಜ್ಜೆ. ಶಿಸ್ತಿನ ಸಾರೋಟು ಚಲನೆಯಲಿ ಲಾಳಗಳ ಓಟ, ನಿರಂತರ ಧ್ವನಿಸುವ ಬದುಕಿನ ಚಟಾ ಪಟಾ. ಊರಿಗೊಂದು ಭಾಷೆ ಅದರ ಸಾಮಾನ್ಯದ ಅಸ್ತಿತ್ವ. ಕರಡಿ ಗಂಗಣ್ಣನ ಘಮ,ಘಮ ಮಂಡಾಳ್ ಒಗ್ಗರಣಿ ಆದ್ಯಾತ್ಮ ತತ್ವ. ಅತ್ತಿಕಾಯಿ, ಜೊತೆಗೆ ಮೆಣ್ಸಿನ್ಕಾಯ್ ಉಳ್ಳಾಗಡ್ಡಿ, ಮಂಡಕ್ಕಿ ಭರ್ಜರಿ ಭೋಜನ.  ಈಜಾಟ ಮನೋರಂಜನೆ ಆಟ, ನೀರಿದ್ದ ಆ ದೊಡ್ಡಬಾವಿ, ಬಾನಿ ಎಳೆಯುವ ಹಗ್ಗದ ಮೇಲೆ ಜೋಕಾಲಿ, ಹಿಂಬದಿಯ ನಡಿಗೆಯಲಿ ದಿಣ್ಣೆ ಏರಿ,
Read more
-
  ಮಣ್ಣು. ನಿನ್ನ ಗ್ರಹಿಕೆಗೆ ಸಿಗದ ನಿರೂಪಣೆ....  ಮಣ್ಣು  ಅದಕೂ ಬೇಕು ದುರಾಸೆಗೆ ದೂರವಾದ ಕಣ್ಣು ಬರೀ ಮರಳಲ್ಲ, ಧೂಳಲ್ಲ, ಭೂ ಮೇಲ್ಪದರವೂ ಅಲ್ಲ  ಶಿಲೆಯ ಹುಡಿಯಲ್ಲ. ಜೀವರಸದ ರಸಾಯನ ಅದು  ಬದುಕಿಗೆ ಮಹಾ ಪ್ರಸಾದ ನಿನ್ನ ಜೈವಿಕ ಅಸ್ತಿತ್ವದ ಮೂಲ ಬಣ್ಣ.   ವಿಲಾಸಿ ಬದುಕ ಪೊರೆ ಸರಿಸು. ಮಣ್ಣಾಗುವ ಮುನ್ನ, ನಿರಾಕಾರನಾಗಿ ಅನಿಲದಲಿ ಅತಂತ್ರ ಅಲೆಯುವ ಮುನ್ನ ಅರಿವಿಲ್ಲದೆ, ಅಗೋಚರವಾಗಲಿರುವ ನೀನು ಮತ್ತೊಮ್ಮೆ ಬರುವೆ...ನೆನಪಿರಲಿ ಬರಲೇ ಬೇಕು ಇಲ್ಲಿಗೇ ಹೊಸ ರೂಪದಲಿ ಜೀವಿಯಾಗಿ ಮಣ್ಣಿನಿಂದಲೇ. ಈ ಪುರಾತನ ಪಳೆಯುಳಿಕೆಗೆ....
Read more