Wednesday, December 13, 2017

ಮನ್ವಂತರ...

ಪ್ರಾಯ, ಎಪ್ಪತ್ತು ತಲುಪುವ ಎರಡು ವರ್ಷಗಳ ಅವಧಿಯಲ್ಲಿ,
ಕಳೆದಾಗಿದೆ ಇನ್ನೊಂದು ವರ್ಷ,
ಬಾಕಿ ಇರುವ ಬದುಕಿನ ಭಾಗಾಕಾರದಲ್ಲಿಅನಿರ್ಧಿಷ್ಟ ಶೇಷ,
ನಿಖರತೆ ಇಲ್ಲದೇ ಇನ್ನೂ ಅಸ್ಪಷ್ಟ. ಅಡವಿ ಸಾಮಿಪ್ಯದ ಉನ್ಮಾದ,
ಸಂತಸದ ವ್ಯಥೆಯಲ್ಲಿ, ಪಶ್ಚತ್ತಾಪ ನಿಲುವು,
ತಪ್ಪಿತಸ್ಥ ಸದಾ ತಟಸ್ಥ ನಿರ್ಮೋಹಿ ನಿರ್ವಿಕಾರ ನಿಲುವು.
ಪೆಡಸು ಕನಸುಗಳು ಬಲು ಬಿರುಸು,
ಸಾದನೆಗೆ ವೇದನೆಯ ಬೇನೆ ಬೇರೆ, ಸುಮ್ಮನೆ,
ಗುರಿ ಇನ್ನೂ ಗರಿಗರಿ, ಹಸಿಕೊಂಬೆಯ ಬುಗುರಿ,
ಗಿರಿಕಿಹೊಡೆಯುತಿದೆ ಹೊಡೆಸಿಕೊಳ್ಳಲು ಗುನ್ನ.
ಬಿಲಿಯಾನುಗಟ್ಟಲೆ ತುಂಬಿತುಳುಕುವ, ಜನರ ಸಂಕೀರ್ಣ ಸೂಕ್ಷ್ಮಬಲೆ
ಅನಿವಾರ್ಯದಲಿ ಹೆಣೆಯಲ್ಪಟ್ಟ ಅಪರಿಚತರಲ್ಲಿ ದೊಡ್ಡ ಸಿಕ್ಕು
ಒಬ್ಬರಿಗೊಬ್ಬರು ಶಾಶ್ವತ ಆಗುಂತಕರು, ಬ್ರಹ್ಮಗಂಟು
ಬಿಡಿಸಿಕೊಳ್ಳಲೇ ಬೇಕು ಜಟಿಲತೆಯ ಕುಸೂತಿ,ಸಾವಧಾನದಲ್ಲಿ
ನೆನಪಿನ ತೀವ್ರ ಕಂಪನ ನೆನಪಿನ ಕೋಶಗಳಲ್ಲಿ
ಯಾರ ಅರಿವು, ಯಾರ ನಿಲುವು? ಯಾರ ಬದುಕು ಎಲ್ಲಿಗೆ,
ಹೊಗೆಯಾಡಿ ಪ್ರಶ್ನೆಗಳು, ಜ್ವಲಿಸಿ ಉಳಿಯುವ ಬೂದಿ
ಹೀಗೆ...ಮತ್ತೆ, ಮತ್ತೆ ಗೊಂದಲ ನಿರುತ್ತರ ಹಂದರ
ಆಳವಾಗಿವೆ ಸಿದ್ಧಾಂತಗಳ ಕಂದರ.
ಗ್ರಹಿಕೆಯಲೇ ನಾಂದಿ ಹಾಡಿ, ಹಂಸಗೀತೆಯ ಆರೋಹಣದಲಿ ಆತ್ಮಾಹುತಿ
ಎಲ್ಲವೂ ಸ್ವಾಭಾವಿಕ, ಹುಟ್ಟಷ್ಟೇ ಅಲ್ಲ,ಸಾವು ಅಷ್ಟೇ ಸಹಜ, ಆದರೆ ಅಸ್ಪಷ್ಟ.
ಮಾನವನ ಸ್ವಾರ್ಥಮಂಡನೆ ವಾದಕ್ಕೆ ಅದೆಷ್ಟು ಪದಗಳು?
ಎಷ್ಟೊಂದು ವಿವರಣಾತ್ಮಕ ಅನುಭವ ಅಜ್ಞಾನ ಆಗರ!
ಸಂದೋರ್ಬೋಚಿತ ಪದ ಬಳಕೆಯನಂತರ ಸೇರಿವೆ ಸೆರೆಮನೆ
ವಾಕ್ಯವಾಗದ ಪದಗಳ ಹಾರ ಅರ್ಚನೆಯ ಮೊದಲೇ ಬಾಡಿ ನಿರ್ಮಾಲ್ಯ
ತಾಳೆಯಾಗದ ನಿರರ್ಥಕತೆಯಲಿ ಅಜಗಜಾಂತರ ಅಂತರ
ಇದೆಂತಹ ಮನ್ವಂತರ...?

Friday, November 17, 2017










ಬಸವನ ಹುಳು.




ನಾಚಿ, ಮುದುಡುವ,ಮೂಳೆರಹಿತ ಮೃದು ದೇಹ,
ಮಣಭಾರದ ತೂಕ ಕಿರೀಟ ಬೆನ್ನಲ್ಲಿ!
ಸುರಳಿ ಚಿಪ್ಪಲ್ಲಿ ತಲೆಮರೆಸಿಕೊಂಡು
ಮೀಸೆ ಸ್ಪರ್ಶದ ದೃಷ್ಟಿಯಲ್ಲಿ
ಗುರುತರ ಬವಣೆಯ ಗಡಸು ಬಣವೆಯ ಹೊತ್ತು
ಸಾಗಿದೆ
ಸಾವಾಕಾಶದಲ್ಲಿ, ಅನೂಹ್ಯ ಕಾಲದಿಂದ
ಕೀಟಗಳ ಹಿಂದೆ ಹಾಕಿ,
ಕಾಲದಲ್ಲಿ ಇವನೊಬ್ಬನೇ ಬಾಕಿ.
ಒಂಟಿ ನೆಲವಾಸಿ, ನೆರಳ ಪ್ರಿಯ ದ್ವಿಲಿಂಗಿ
ಮಣ್ಣುತಿಂದರೂ ಮಣ್ಣುಹುಳ ದಾಯಾದಿ ಅಲ್ಲ
ಸ್ಪರ್ಶಕದ ನೇತ್ರಸೀಮಿತ ದೃಷ್ಟಿ,
ನಿಜ ಕಣ್ಣು, ಮೂಗಿಲ್ಲದ ಆಘ್ರಾಣ ಗ್ರಾಹಕ
ಪೂರ್ವಜರು ಕಡಲಬಿಡದಿದ್ದರೂ
ಕಡಲತೀರ ಸೇರಿದ ಮಹಾವಲಸಿಗ
ಅಂಜಿಕೆ, ಅತಿನಾಚಿಕೆಯ ಅಸ್ತಿತ್ವ,
ಚತುಷ್ಪಾದಿ ಆಮೆಗೆ ಹೊಂದದ ಗೋತ್ರ
ಎರಡು ಜೊತೆ ಸ್ಪರ್ಶಕ, ಸರ್ವ ಗ್ರಾಹಕ
ಹೋರಾಟ ಅಪ್ರಿಯ, ಮಹಾ ಶಾಂತಿದೂತ
ಧಾಳಿಕೋರರ ಯಾಮಾರಿಸಿ ಚಿಪ್ಪೊಳಗೆ ಶರಣು
ಕಟ್ಟುನಿಟ್ಟಿನ ಪಥ್ಯಾಹಾರಿ, ಮಿತಭಕ್ಷಕ ಕೊಳೆತಿನಿ,
ವಿಘಟಕ,ಮಣ್ಣರುಚಿ ಮೆಚ್ಚುವ ಪರಿಸರ ಪ್ರೇಮಿ
ಈ ಬಸವ, ಹುಳುವಲ್ಲ, ಅಂತರಾತ್ಮ ಕೆಣಕುವ
ಸದಾ ಪ್ರತಿಧ್ವನಿಸುವ
ಮಾದರಿ ನಿಯಮಪಾಲಕ,
ನೆನ್ನೆ ಕೇಳಿದ ಪ್ರಶ್ನೆ
ಸ್ವಚ್ಚತಾ ಅಭಿಯಾನದಲ್ಲಿ ನಾನೇಕೆ ಇಲ್ಲ?

Wednesday, November 8, 2017

ದ್ವಂದ್ವ-೨

ವಿವಿಧತೆಯಲ್ಲಿ ಏಕತೆ?
ಏಕತೆಯಲ್ಲೇ ವಿವಿದತೆ? ಸಮಾರ್ಥ!
ಸುಂದರ ಭಾವಾನಾತ್ಮಕ ಸಾಲುಗಳು
ಘೋಷಣೆಗಳಿಗೆ ಮಾತ್ರ ಸೀಮಿತ
ಭಾಷೆಗೂ, ನಿಜಬದುಕಿಗೂ ಧೃವಗಳ ಅಂತರ
ಅನ್ವಯ ಅನುಕರಣೆ ಅಸಾಧ್ಯ,
ತಾಳೆಯಾಗದ ಅವಾಂತರ ಎಂದೆಂದಿಗೂ ಸಮನಾಂತರ
ಅನುಷ್ಟಾನದ ಭ್ರಮೆಯಲ್ಲಿಮಾಯವಾಗುವ ವಿಶೇಷತೆ
ಜಿಗುಪ್ಸೆಯ ಏಕತೆಯ ಯಾಂತ್ರಿಕ ಪುನರಾವರ್ತನೆ
ಭಾಷೆ ಬೇಕಿಲ್ಲ, ಅಸಂಖ್ಯ ಬದುಕಿನ ವಿಶಿಷ್ಟ ಭವ್ಯತೆಗೆ
ರೀತಿ ರಿವಾಜುಗಳ ಅನಿವಾರ್ಯತೆ
ಕಣ್ಣ ಕೋರೈಸುವುದು ಕ್ರೂರ ಸತ್ಯ
ವಲಸೆಯ ಮೋಜಲ್ಲಿ ಬರೆಯುವ ವಿಚಿತ್ರ ಮರಣ ಪತ್ರಗಳು
ವಲಸಿಗರಿಗೆ ಪಾಸ್ ಪೋರ್ಟ್ ಬೇರೆ.
ಇನ್ನು ಗಡಿಗಳ ಮಾತೇಕೆ?
ಗ್ರಹಾಂತರದಲ್ಲಿಅಂತಃರಾಷ್ಟ್ರೀಯ ಗುರುತುಚೀಟಿ ಕಡ್ಡಾಯ!
ಭರ್ಜರಿ ಭಾವೋನ್ಮಾದ ವಿಶ್ವ ಮಾನವ,
ಭೂಆವಾಸವೇ ಸಿಡಿದು ಛಿಧ್ರವಾಗಿ ಹೊಸ ದೇಶಗಳ ಅಸ್ತಿತ್ವ
ಜಲ ಆವಾಸದ ಆಳಗಳನ್ನೇ ಆಳ ಹೊರಟ ಐಲುದೊರೆಗಳ ಸಾಮ್ರಾಜ್ಯ
ಗಾಳಿಯಲಿ ಹಾರುವ ಹಕ್ಕಿಗಳಿಗೆ ಗುರುತುಚೀಟಿ ಅಂಟಿಸುವ ನೀವು
ಸೀಮೋಲಂಘನೆ ಕಾಯಿದೆ ಅಡಿನಿಮ್ಮ ದೇಶದ ಗಡಿಗಳಲ್ಲೇ
ಗಾಳಿಯನು ತಡೆದು ಭಂದಿಸುವ ಬೇಲಿ ಹಾಕುವಿರಾ?
ನದಿಯ ಹರಿವಿಗೆ ತಡೆಗೋಡೆ ಕಟ್ಟಿ
ಕಾಡುಮುಳುಗಿಸಬಹುದು, ಅಸಂಖ್ಯ ಜೀವಸಂಹಾರದಲ್ಲಿ
ಮಣ್ಣುಸಾಗಿಸಿ, ಮೋಡಕ್ಕೆ ಒಡ್ಡುಹಾಕಿ,
ಸಿಂಪಡಿಸಬಲ್ಲಿರಾ ಹನಿಗಳನ್ನು ಮರಳುಗಾಡಿನಲ್ಲಿ?
ಗಡಿಪಾರು ಮಾಡಬಲ್ಲಿರಾ ನಿಮ್ಮ ಮನಸನ್ನು.?

Tuesday, November 7, 2017


ಇದೀಗ ಬಂದ ಸುದ್ಧಿ. 
7-11-17

ಭೂಗ್ರಹದ ಉಚ್ಛ ಪರಿಸರ ನ್ಯಾಯಲಯದಲ್ಲಿ ನಡೆಯುತ್ತಿದ್ದ ಧೀರ್ಘಕಾಲದ ಕುತೂಹಲಕಾರಿ ಮೊಕದ್ದಮೆ ಇಂದು ಮುಕ್ತಾಯಗೊಂಡಿದೆ ಎಂದು ಈಗಷ್ಟೇ ವರದಿಯಾಗಿದೆ. ವಿವರಗಳು ವಿರಳ. ಸ್ಪಷ್ಟರೂಪ ಪಡೆದು ಅಧಿಕೃತವಾಗಿ ಸುದ್ದಿ ಹೊರಬರಲು ಕೆಲಕಾಲ ಬೇಕಾಗಬಹುದು ಎಂದು ನಂಬಲಾಗಿದೆ. ಸುಮಾರು ದಶಕಗಳಿಂದ ಆರಂಭಗೊಂಡ ಈ ಮೊಕದ್ದಮೆ ಶೀಘ್ರ ಕುಲಾಸೆಗೊಂಡಿರುವುದು ಅನೇಕರಿಗೆ ಖುಷಿ ಇನ್ನು ಕೆಲವರಿಗೆ ಈ ತೀರ್ಪಿನಿಂದಾಗುವ ಪರಿಣಾಮದ ಹೆದರಿಕೆ ಎಂಬುದು ಕೆಲವರ ಅಭಿಪ್ರಾಯ. ಆರೋಪಿತನ ಮೇಲೆ ಲೂಟಿ, ಕೊಲೆ, ಸುಲಿಗೆ, ಮೋಸ, ವಂಚನೆ, ಕ್ರೌರ್ಯ, ಮಾರಣಹೋಮ ಇತ್ಯಾದಿ ಜೀವವಿರೋಧಿ ಶೋಷಣೆಗಳ ಎಲ್ಲಾ ಆರೋಪಗಳನ್ನು ಹೊರಿಸಲಾಗಿದ್ದು, ಆತ ಯಾವ ಆರೋಪವನ್ನು ತಳ್ಳಿಹಾಕದೆ, ನಿರ್ಭೀತಿಯಿಂದಿರುವುದು ಸಾಕಷ್ಟು ಕುತೂಹಲ ಮೂಡಿಸಿತ್ತು. ಆತ ಅಮಾನವೀಯವಾಗಿ ತನ್ನಸುತ್ತಮುತ್ತಲಿನ ಎಲ್ಲರನ್ನು ಮತ್ತು ಅವರಿಗೆ ಬೇಕಾದ ಎಲ್ಲವನ್ನು ತನ್ನದೇ ಉಪಯೋಗಕ್ಕೆಮಾತ್ರ ಎಗ್ಗಿಲ್ಲದೆ ಕೇವಲ ತನ್ನಬಲದ ತುರಿಕೆ ಮತ್ತು ತೋರಿಕೆಗಾಗಿ ಬಳಸಿಕೊಳ್ಳುತ್ತಿದ್ದುದು ಮೇಲ್ನೋಟಕ್ಕೆ ಕಂಡುಬಂದು ಸಾಬೀತಾಗಿರುವುದು ತಿಳಿದುಬಂದಿದೆ. ಈ ತಪ್ಪಿತಸ್ತನ ನಡವಳಿಕೆಯಿಂದ ಜೀವ ಸಮಾಜದಲ್ಲಿ ಹಾಗೂ ಎಲ್ಲಾ ಸಮುದಾಯಗಳಲ್ಲಿ ಯಾವುದೇ ವ್ಯವಸ್ಥೆ, ನಿಯಮ, ಕಾನೂನು ಎಲ್ಲವೂ ಏರುಪೇರಾಗಿ ಧೂಳಿಪಟವಾಗಿದೆ. ಯಾರನ್ನೂ ಗೌರವಿಸದ, ವ್ಯವಸ್ಥೆಯಲ್ಲೇ ನಂಬಿಕೆ ಇರದ ಈತ ಎಲ್ಲರನ್ನು ಕೀಳಾಗಿ ಕಾಣುವ ಮತ್ತು ದರ್ಪದಲ್ಲಿ ವ್ಯವಹರಿಸುವ ಧೋರಣೆಯಿಂದ ಕೆಲವು ನೆರೆಹೊರೆಯ ಜೀವಿಗಳ ಉಳಿವಿಗೆ ಸಂಚಾಕಾರ ತಂದಿದ್ದಾನೆ. ತಮ್ಮನ್ನು ಈ ದೈತ್ಯಶಕ್ತಿಯಿಂದ ರಕ್ಷಿಸಬೇಕೆಂದು, ಇಲ್ಲವಾದರೆ ಅವನ ಸುತ್ತಮುತ್ತ ಬದುಕಿರುವ ಯಾರಿಗೂ ಅವನ ಆತ್ಮಹತ್ಯಾ ಪ್ರವೃತ್ತಿಯ ಮಾರಕ ಶಕ್ತಿಯಲ್ಲಿ ಉಳಿಗಾಲವಿಲ್ಲ ಎಂಬ ದೂರನ್ನು ಸಲ್ಲಿಸಿದ್ದರು ಜೀವಸಮುದಾಯದ ಪ್ರತಿನಿಧಿಗಳು ಕೆಲಕಾಲದ ಹಿಂದೆ.ತಾವೇ ದೂರುದಾರರಾಗಿ, ವಿಚಾರಣೆಗೆ ಪೂರಕವಾದ ಸಾಕ್ಷಿದಾರರೊಂದಿಗೆ ಮೊಕದ್ದಮೆ ಹೂಡಿದ್ದರೆಂಬುದನ್ನು ಇಲ್ಲಿ ನಾವು ಇಲ್ಲಿ ಸ್ಮರಿಸಬಹುದು. 

ಮೊಕದ್ದಮೆಯ ವಿಚಾರಣೆಯ ಆರಂಭದಿಂದಲೂ ಆರೋಪಿ, ನ್ಯಾಯಲಯದ ಆದೇಶವನ್ನು ನಿರ್ಲಕ್ಷಿಸಿ ಹಾಜರಾಗದೆ, ಆರೋಪವನ್ನು ಗಂಭೀರವಾಗಿ ಪರಿಗಣಿಸದಷ್ಟು ಸೊಕ್ಕಿದ್ದು ನ್ಯಾಯಲಯವನ್ನೇ ನಿರ್ಲಕ್ಷಿಸಲಾಗಿದೆ ಎಂಬ ಎಂಬ ಆಪಾದನೆಯು ನಿಜ ಎಂದು ಮನವರಿಕೆಯಾಗಿದೆ ಗೌರವಾನ್ವಿತ ನ್ಯಾಯಲಯಕೆ. ಹೀಗಾಗಿ ಆರೋಪಿ ನ್ಯಾಯಲಯವನ್ನು ನಿರ್ಲಕ್ಷಿಸಿ ಅವಮಾನ ಮಾಡಿರುವುದು ನ್ಯಾಯಲಯದ ಅವಹೇಳನ ಎಂಬ ಮಾನನಷ್ಟ ಮೊಕದ್ದಮೆಗೂ ಗುರಿಯಾಗಬಹುದು. ಆತನಿಗೆ ಅತಿ ಕಠಿಣವಾದ ಮತ್ತು ಸೂಕ್ತವಾದ ಶಿಕ್ಷೆ ವಿಧಿಸುವಮೂಲಕ ಸಮಾಜಕ್ಕೆ ಒಳ್ಳೆಯ ಕಟ್ಟುನಿಟ್ಟಿನ ಸಂದೇಶವನ್ನು ಸಾಗಿಸಬೇಕಿದೆ. ವಿಚಾರಣೆಯ ಸಮಯದಲ್ಲಿ ಆರೋಪಿತನ ಗೈರುಹಾಜರಿಯನ್ನು ನ್ಯಾಯಲಯ ಗಂಭೀರವಾಗಿ ಪರಿಣಸುವ ಸಾಧ್ಯತೆ ಇದೆ. 

ಅನೇಕ ನೋಟಿಸ್ ಗಳಿಗೆ ಖುದ್ದಾಗಿ ಬಂದು ಉತ್ತರಿಸಿಯೂ ಇಲ್ಲ, ಅಷ್ಟೇ ಅಲ್ಲದೆ ತನ್ನ ಪರವಾಗಿಯಾದರೂ ಯಾವ ಪ್ರತಿನಿಧಿಯನ್ನೂ ಸಾಕ್ಷಿದಾರರೊಂದಿಗೆ ಕಳಿಸದೆ ಸಾಮಾಜಿಕ ಹಾಗೂ ಪರಿಸರಾತ್ಮಕ ಇಡೀ ಸಮಾಜಕ್ಕೆ ಶೆಡ್ಡು ಹೊಡೆದಂತಾಗಿದೆ. ಸತತ ಗೈರುಹಾಜರಿಯ ಈ ಆರೋಪಿತನ ಬಗ್ಗೆ ಏಕಪಕ್ಷೀಯ ತೀರ್ಮಾನವನ್ನು ತೆಗೆದುಕೊಳ್ಳುವುದು ನ್ಯಾಯಮೂರ್ತಿಗಳಿಗೆ ಅನಿವಾರ್ಯವಾಗಿದೆ. ಹಲವು ನ್ಯಾಯಮೂರ್ತಿಗಳನ್ನೊಳಗೊಂಡ ನ್ಯಾಯಪೀಠ ಗಂಭೀರವಾಗಿ ಪರಿಗಣಿಸಿ ಈ ನಿರ್ಧಾರಕ್ಕೆ ಬಂದು ಆರೋಪಿತ ಎಲ್ಲವಿಧಗಳಲ್ಲಿಯೂ ಸಮಾಜ ಕಂಟಕನಾಗಿದ್ದು ಆತನೇ "ತಪ್ಪಿತಸ್ತ" "ಅಪರಾಧಿ" ಎನ್ನುವ ಅನುಮಾನಕ್ಕೆ ಎಡೆ ಇರದ ನಿಚ್ಚಳ ತೀರ್ಪನ್ನು ಕೊಟ್ಟಿದ್ದಾರೆ. 

ಗುಮಾಸ್ತರು ಆಜ್ಞೆಯ ಕರಡನ್ನು ಸಿದ್ದಪಡಿಸುತ್ತಿದ್ದಾರೆ.

ಇನ್ನು ಕೇವಲ ಶಿಕ್ಷೆ, ಆ ಶಿಕ್ಷೆಯ ಪ್ರಮಾಣ ಮತ್ತು ತಾರೀಕು ಇತ್ಯಾದಿಗಳ ಅಂತಿಮ ತೀರ್ಪು ಸದ್ಯದಲ್ಲೇ ತ್ವರಿತವಾಗಿ ಹೊರಬೀಳಲಿದೆ ಎಂದು ನಂಬಲಾರ್ಹ ಮೂಲಗಳಿಂದ ತಿಳಿದು ಬಂದಿದೆ.


ವರದಿ- ಪರಿಸರಪ್ರಿಯ
PTU. ಪ್ರೆಸ್ ಟ್ರಸ್ಟ್ ಆಫ್ ದ ಯೂನಿವರ್ಸ್.

Friday, November 3, 2017


ನಿನ್ನಿರುವು, ಅನುಭವಕೆ ಬಾರದ ಅಸಂಗತ,
ಎಲ್ಲೆಡೆ ಅವಿರ್ಭವಿಸುವ ನಿರಾಕಾರ ನೀನು,
ಸುಪ್ತ ಚಲನೆಯ ಅನುಭವದ ಕ್ಷಣದಲ್ಲಿ
ಆಗಂತುಕ ನಾನು ನನಗೆ,
ವಿವರಿಸಲು ನಿನ್ನ ಏನೆಂದು, ಹೇಗೆಂದು ಏಕೆಂದು,
ಯಾರೆಂದು, ಯಾರಲ್ಲಿ ಕೇಳುವುದು?
ನಿನ್ನ ಅನೂಹ್ಯ ಭವಿಷ್ಯದ ಆದ್ಭುತ ವಿಶಾಲ ಚಾಚು
ದಿಕ್ಕುಗಳಿಲ್ಲದ ಈ ಗುರುತ್ವರಹಿತ ಖಾಲಿತನದಲ್ಲಿ
ತೂಗಿ, ಜೋಕಾಲಿ ಆಡುವ ಜೀವಿಗಳ ಸಂತೆಯಲ್ಲಿ
ನೆಲದಮೇಲೆ ತೇಲುವ ಭ್ರಮೆ ಎಲ್ಲರಿಗೆ
ಸಿಕ್ಕಷ್ಟೇ ಅನುಭವ, ಕಂಡಷ್ಟೇ ಕನಸು
ಒಮ್ಮೊಮ್ಮೆ ನನಸಾಗುವ ಮನಸು
ಅದೇ ಆ ಬೆರಗಾಗುವ ನಿಜ ವಯಸು.

ಗೊಂದಲದ ಹುಟ್ಟಲ್ಲಿ
ಅಮ್ಮ ತ್ಯಜಿಸಿದ ಕುಡಿ ತತ್ತಿ
ಅಪ್ಪ ಅವಸರದಲಿ ತುಂಬಿದ ಜೀವ, ಜಲಚಲನೆ
ಒಂಟಿ ಪಿಂಡ ಚೆಂಡಾದ ರೂಪ
ಮೀನಾಗಿ ಕಿವಿರಲ್ಲೇ ಉಸಿರಾಡಿ ಬದುಕು 
ಬಾಲವೂ ಮಂಗಮಾಯ,
ಹೊಸ ಅವಯವಗಳ ಹುರುಪಲ್ಲಿ ಕುಪ್ಪಳಿಸಿ, ಕುಣಿದ
ಭೂ,ಜಲವಾಸಿ ಸದಾ ಅಪರಚಿತ,
ನೆಲವನ್ನೇ ನೆಚ್ಚದೆ, ಬಾಡಿಗೆ ಮನೆ ಹಿಡಿದು
ಜಲಸಮಾದಿಯಲ್ಲಿ, ರಾಸ ಕ್ರೀಡೆಯ ಗೂಡು ಕಟ್ಟಿ
ಪೀಳಿಗೆಗೆ ಪೀಠಿಕೆ ಬರೆಯುವ ಮುನ್ನುಡಿಕಾರ
ಉಸಿರು ಕಟ್ಟುವ ತರಬೇತಿಗೆ ನೀರಿನ ಹಂಗೆಲ್ಲಿ?
ಗಾಳಿಜೊತೆಗೂಡಿ,ನಡೆದಾಡುವ ಪ್ರಭೇದ,
ಪ್ರಾಣಾಯಾಮ ಅನಿವಾರ್ಯ ಪ್ರಭೇದಸಂತನಿಗೆ.

Monday, October 30, 2017


ವಯಸು. 

ನುಣುಚಿಕೊಳ್ಳುವ ನಿನ್ನ ನಯವಾದ ಶೈಲಿ,
ಜೆಲ್ಲಿಯಂತೆ ಜಾರಿ ಚದುರುವುದಿಲ್ಲ, 
ಸ್ಪೋಟಿಸದ ಲಾವ ಪಡೆವ ಘನರೂಪ ನಿಶ್ಚಲ ಉರುಳು
ಸಿಕ್ಕ, ಸಿಕ್ಕ ಜಾಗದಲ್ಲಿ, ಜೋತುಬೀಳುವ ಮರುಳು
ಹಿಡಿತಕ್ಕೆ ಜಿಡ್ಡಾಗಿ ಜಾರಿಹೋಗುವ ಶೂನ್ಯ 
ನಿನ್ನಿರುವು, ಅನುಭವಕೆ ಬಾರದ ಅಸಂಗತ,
ಎಲ್ಲೆಡೆ ಅವಿರ್ಭವಿಸುವ ನಿರಾಕಾರ ನೀನು,
ಸುಪ್ತ ಚಲನೆಯ ಅನುಭವದ ಕ್ಷಣದಲ್ಲಿ
ಆಗಂತುಕ ನಾನು ನನಗೆ,
ವಿವರಿಸಲು ನಿನ್ನ ಏನೆಂದು, ಹೇಗೆಂದು ಏಕೆಂದು,
ಯಾರೆಂದು, ಯಾರಲ್ಲಿ ಕೇಳುವುದು?
ನಿನ್ನ ಅನೂಹ್ಯ ಭವಿಷ್ಯದ ಆದ್ಭುತ ವಿಶಾಲ ಚಾಚು
ದಿಕ್ಕುಗಳಿಲ್ಲದ ಈ ಗುರುತ್ವರಹಿತ ಖಾಲಿತನದಲ್ಲಿ
ತೂಗಿ, ಜೋಕಾಲಿ ಆಡುವ ಜೀವಿಗಳ ಸಂತೆಯಲ್ಲಿ
ನೆಲದಮೇಲೆ ತೇಲುವ ಭ್ರಮೆ ಎಲ್ಲರಿಗೆ
ಸಿಕ್ಕಷ್ಟೇ ಅನುಭವ, ಕಂಡಷ್ಟೇ ಕನಸು
ಒಮ್ಮೊಮ್ಮೆ ನನಸಾಗುವ ಮನಸು
ಅದೇ ಆ ಬೆರಗಾಗುವ ನಿಜ ವಯಸು.

Thursday, October 12, 2017

ಇಕಾಲಜಿ....ಕಾಳಜಿ....












ಇಕಾಲಜಿ ಕಾಳಜಿ 







ಪರಿಸರಪ್ರೇಮಿ
ಈ ಆಸಾಮಿ..
ಕೇಳಬೇಡಿ ಮಹಾಸ್ವಾಮಿ,
ಒಂಥರಾ ಇವನೇ ಭಯಂಕರ ಸುನಾಮಿ.
ಜೋಕೆ !
ಜೋಕು..ಮಾರ...
ಮಾತಿಗಿಲ್ಲ ಬರ,
ಭಾರ!
ಜ್ಞಾನ ವ್ಯವಹಾರ, ಅಭಿವ್ಯಕ್ತಿ ಅಪಾರ

ಬೇಕೆ ಬೇಕು ಇವನಿಗೆ
ಸನ್ಮಾನಗಳ ಸರಮಾಲೆ,
ಇವನಿಗಿದೆ ಜನಪ್ರಿಯತೆ ಸಂಪಾದನೆಯ ಖಾಯಿಲೆ
ಹೆಸರು ಮಾಡುವ ಒಂದು ವಿಧದ ಕಾಮಾಲೆ..
ಇದೆ ಇವನಿಗೊಂದು ಭದ್ರ ನೆಲೆ.
ಗೊತ್ತಿದೆ ಚೆನ್ನಾಗಿ ಹಣ ಮಾಡುವ ಕಲೆ,

ಪರಿಸರ ಸಂರಕ್ಷಣೆ....
ಟೈಮ್ ಸಿಕ್ಕರೆ ನೋಡೋಣ ಆಮೇಲೆ.

ಸೆಮಿನಾರು, ಚರ್ಚೆ, ಸಮ್ಮೇಳನ, ಅಂತರರಾಷ್ಟ್ರೀಯ ವೇದಿಕೆ,
ಇವರಿಗಿದೆ ಬಹಳ ಬೇಡಿಕೆ,
ಸಧ್ಯಕ್ಕೆ ಡಿಸ್ಟರ್ಬ್ ಮಾಡ್ಬೇಡಿ,
ಸಾಹೇಬರು ಬಹಳ ಬಿಸಿ.
ತಲೆ ತುಂಬ ಇಕಾಲಜಿ, ನೀವು ಮಾಡ್ಬೇಡಿ ಕಾಳಜಿ..
ವಿಷಯ ಎತ್ತುತ್ತಾರೆ ಸೂಕ್ತ ಪರಿಸರ ನೋಡಿ.
ಸಧ್ಯಕ್ಕೆ ನೀವು ನೋಡಿ ದೂರದರ್ಶನ,
ಅಲ್ಲಿ ಪಡೆಯಿರಿ ಅವರ ದರ್ಶನ,
ಕೊಟ್ಟೆ ಕೊಡುತ್ತಾರೆ ನಿಮಗೆ ಒಮ್ಮೆ ಸಂದರ್ಶನ....

ವಿಕಾಸ ಗೀತೆ.....

         




         
          ವಿಕಾಸ ಗೀತೆ 

ಜಲಜ ಶಿಲಾ ಸುಪ್ಪತ್ತಿಗೆಯ ಚರಟದ ಚಾದರ ಹೊದ್ದು,
ಮಲಗಿರುವ ಕುಂಭಕರ್ಣ.
ಧರೆಗೆ ಹಿಡಿದಿತ್ತು ಗ್ರಹಣ,
ಚಿರಂಜೀವಿ, ಭ್ರೂಣ ಬೆಳೆಯಲಿಲ್ಲ ಪೂರ್ಣ,
ವಿಕಾಸದ ಅನಂತ ಪಯಣ
ಆದಿ ಅಂತ್ಯ ಗಳೆರಡು ಅರಿಯದ ನಿರಂತರ ಮರಣ.
ಆ ಕಾಲ ಒಂದಿತ್ತು ಧರೆ ಬೆಂಕಿ ಉಗುಳಿತ್ತು
ನಿರ್ಜೀವ ಹೊಗೆ ಹೊರಹಾಕಿತ್ತು,
ಭೂ ತಾಯಿ ನಿರ್ಜಲ ಬಸಿರು, ಪ್ರಕ್ಷುಬ್ದ ವಾಗಿತ್ತು
ಮೈ ಮರೆತು ಹರಿಯಿತು ತೊರೆ,
ಅಂದೇ
ಮೈನೆರೆತ ವಸುಂಧರೆ,
ತೊಟ್ಟಿದ್ದ ಆ ಹಸಿರು ಫ್ಯಾಶನ್ ಸೀರೆ
ಅಂಚಿಗೆ ವರ್ಣಮಯ ವಿನ್ಯಾಸ ಬೇರೆ,
ಸಪೂರ ಪಾರದರ್ಶಕ ತೆಳುವಾದ ಪೊರೆ,
ನೀಲಹಸಿರು, ಬೂದಿ ಕೆಂಪು ಸತತ ವರ್ಷಧಾರೆ.
ಏನೆಲ್ಲಾ ಕಲೆ ಅದರ ಮೇಲೆ? ಹೊರೆ,
ಚಿತ್ತಾರದಲ್ಲಿ ಸೆರೆ,
ಗೆರೆ,
ಕೇಳುವುದಿಲ್ಲ ಯಾರ ಮೊರೆ,
ಜೀವಜಾಲದಲಿ ಬದುಕಿನ ಶಾಶ್ವತ ಸೆರೆ,
ನಡೆಯುತ್ತಲೇ ಇದೆ ಇಂದಿಗೂ ಅಸಂಖ್ಯಾತ ಕೊಲೆ,
ಜನನ ಮರಣಗಳ ವಿನಿಮಯ ಲೀಲೆ,

ವಸ್ತುಗಳ ವರ್ತುಲ ಮುಗಿಯದ ಜಾತ್ರೆ
ಎಂದೂ ಮುಗಿಯದ ಜೈವಿಕ ಖಾತೆ...
ಹರಿಸಿ, ಹಾರೈಸಿದಳು ಪ್ರಕೃತಿ ಮಾತೆ,
ಜೀವಿ ವಿಸ್ಮಯ, ವಿವಿಧತೆಯ ಭಿಕ್ಷಾಪಾತ್ರೆ.
ಅದಕ್ಕೆ ಇರಬೇಕು, ಸರ್ಪರಾಜನ ಶಾಪ,
ಭಸ್ಮವಾಯಿತು, ಪಾಪ,
ದೈತ್ಯ ಉರಗ, ಕವಲಾಯಿತು ಖಗ,
ಮೃಗ..
ಮುಗಿಯಿತು ಸುವರ್ಣ ಯುಗ,
ಶುರುವಾಯಿತು ಹೊಸ ರಾಗ
ತಾಯಿಯ ತ್ಯಾಗ ಎದೆಹಾಲಿನ ವೈಭೋಗ
ಇಂದಿನ ಹಾಲಿನ ಯುಗ,
ಉಳಿಸಲು ಬೇಕಿದೆ ಮಹಾ ತ್ಯಾಗ,
ತೀರಿಸಲು ತಾಯ ಋಣ ತ್ಯಜಿಸಬೇಕಿದೆ ಭೋಗ
ಕೇಳಿ ಕಿವಿಗೊಟ್ಟು ಒಮ್ಮೆ ,
ಬರಲಿರುವ ಜೀವಿ ಸಂಕುಲ ಪೀಳಿಗೆಯ ಕೂಗು
ಸಾಕಿನ್ನು ನಮ್ಮ ಸೋಗು...






Friday, October 6, 2017


Life is too beautiful....dont destroy it...

There is no values, ethics, principles or any religion or caste that are followed in its real spirit and in a real sense there is none anywhere in the world today. It is impossible to apply those impractical and outdated values in the present complicated and most complex social fabric where even their own Gods are contradicted and disrespected...but, still the followers of these different school of philosophy are waging wars in the name of these absurd identity. The same biological principle of survival for the fittest in a different dimension is expressed for the last few thousand years....
Even today it is expressed in a different way...In all the caste, religion, tribe,and creed only class is strictly followed..the struggle was always between resourceful the strong and mighty in physical power and non-resourceful the weak and non-combative species susceptible for extinction in the constantly changing environment.
In our present society this biological supremacy is replaced by the advent of the concepts of civilization and cultural supremacy (both are capacity to exploit the resources more than the requirement in the name of discovery and invention) that is causing the abnormal bio-socio and ecological conflicts of hierarchy in the very existence of the social structure.
Super rich, rich, upper middle, lower middle, poor and very poor.....! altogether a new classification with main and sub headings. Only nomenclature is different but the basis of classification remains the same where more than biological needs it is the supremacy in the social order that created all the nonsense of present chaotic world order...If simplicity becomes a virtues of our civilization or if we adopt the life of simplicity most of the social disparities would be disappeared. There will be a new social order where social harmony can be dreamed at least...
BUT....are we ready?
You may change your religious identity or even national identity for the sake of promoting your class of barbaric luxuries and disgusting state of elite strata....
Can we expect and dream a caste-less, classless, religion-less and Godless society? Yes...I am a dreamer. I admit. At least that keeps me out of the biased and purely self-centered ideologies devoid of love...but only spitting vengeance !
Life will be simply too simple to live when you love everyone and everything in this beautiful nature but never without the intention of possessing and enjoying or rejecting it...you are there, let everything be there as they are around you....

Wednesday, October 4, 2017

ಯಾವಕಾಲಕ್ಕೂ ಯಾರು, ಯಾವುದೂ, ಅನಿವಾರ್ಯವಲ್ಲ ಇಲ್ಲಿ.
ಪ್ರಪಂಚದ ಹಾಲಿ ಅಪಾಯಕಾರಿ, ಆತಂಕಕಾರಿ, ಕಳವಳದ ಪ್ರಕ್ಷುಬ್ಧ ಪರಿಸ್ಥಿತಿ ಸಹಾ ನೈಸರ್ಗಿಕ ಪ್ರಕ್ರಿಯೆ ಎಂಬುದು ನನ್ನ ಅನಿಸಿಕೆ. ಈಗ ಕಾಣುತ್ತಿರುವ ಅಸಹನೆ, ದ್ವೇಷ, ದೇಶ, ಭಾಷೆ, ಯುದ್ಧ, ಪ್ರಗತಿ, ಸೋಲು, ಗೆಲುವು, ಪ್ರಗತಿ, ಆಕ್ರಮಣ, ಪರಾಕ್ರಮ, ಸಾಮ್ರಾಜ್ಯ ಸ್ಥಾಪನೆ ಎಲ್ಲವೂ ಮುಂಬರುವ ಭಯಂಕರ ಭವಿಷ್ಯದ ಸೂಚಕಗಳು. ಎಲ್ಲವೂ ಮೌನವಾಗಿ ಪರಿಸರದ ಮುಂದುವರಿಕೆ ಯಿಂದಲೇ ನಿಯಂತ್ರಿಸಲ್ಪುಡಿತ್ತಿದೆ. ಈ ಕ್ರಿಯೆಗಳೆಲ್ಲಾ ಗುಪ್ತವಾಗಿ ಪರಿಸರ ಸಂತುಲನವನ್ನು ಕಾಪಾಡುವ ಒಂದು ತಂತ್ರ. ಈ ಪರಿಸರದ ನಿಷ್ಪಕ್ಷಪಾತ ಯೋಜನೆಯಲ್ಲಿ ನಾವು ಇರುವೆವೋ ಇಲ್ಲವೋ ನಿಸರ್ಗವೇ ನಿರ್ಧರಿಸಲಿದೆ.
ಕೇವಲ ನಾವು ಮಾನವ ಕೇಂದ್ರಿತ ಅಸ್ತಿತ್ವವನ್ನು ಒಪ್ಪಿಕೊಂಡು ಮಿಕ್ಕಎಲ್ಲಾ ಪ್ರಾಕೃತಿಕ ಅಂಶಗಳನ್ನು ನಾವು ನಿಯಂತ್ರಿಸುತ್ತೇವೆ ಅಥವಾ ಅವುಗಳ ಇರುವಿಕೆ ದೇವರಿಂದ ನಮಗಾಗಿ ದೊರೆತ ವಿಶೇಷ ಕೊಡುಗೆಗಳು ಮಾತ್ರ ಎಂಬ ಭಾವನೆಯಲ್ಲೆ ಎಲ್ಲವನ್ನು ಹಿಗ್ಗಾ ಮುಗ್ಗಾ ಕೊಳ್ಳೆಹೊಡೆಯುತ್ತಿದ್ದೇವೆ. ನಮ್ಮ ಇತಿಹಾಸವನ್ನು ಕೆದಕಿದಾಗ ಇಂದಿನ ನಾವು, ಹೀಗಾಗಲೂ ಕೇವಲ ಕೆಲವೇ ಸಾವಿರವರ್ಷಗಳು ಮಾತ್ರ. ಈ ಅಲ್ಪಸಮಯದಲ್ಲಿ ಪರಿಸರದ ಎಲ್ಲಾ ಅಂಶಗಳನ್ನು ಗರಿಷ್ಟ ಮಟ್ಟದಲ್ಲಿ ಬಳಸಿ ಸಂಪನ್ಮೂಲ ಆಗರವನ್ನು ಬರಿದಾಗಿಸಿ ಮಜಾ ಉಡಾಯಿಸುತ್ತಿದ್ದೇವೆ. ಮುಂಬರುವ ಪೀಳಿಗೆ ಉಳಿಸಿಹೋಗುವುದು ಕೇವಲ ಬರಿದಾದ ಚಿಪ್ಪು.
ನಮ್ಮ, ಈ ಗ್ರಹದಲ್ಲಿ ಜೀವವಿಕಾಸದ ಯಾತ್ರೆಯ ಇತಿಹಾಸ ಸುಮಾರು ೬ ಬಿಲಿಯನ್ ವರ್ಷಗಳಷ್ಟು ಪುರಾತನವಾದುದು. ಈ "ಕಾಲ" ಅಥವಾ "ಸಮಯ” ಎಂಬ ಪದದ ಗ್ರಹಿಕೆ ನಮ್ಮ ಕಲ್ಪನೆಗೆ ನಿಲುಕುವುದಿಲ್ಲ. ನಾವು ಹೆಚ್ಚಂದರೆ ನೂರು ವರ್ಷಬದುಕಬಲ್ಲ ಪ್ರಾಣಿಗಳು. ನಮ್ಮ ಜೀವಿತದಲ್ಲಿ ನಮ್ಮಹಿಂದಿನ ಇತಿಹಾಸ, ವರ್ತಮಾನ ಬದುಕು ಎರಡನ್ನು ನಮ್ಮ ಮುಷ್ಟಿಯಲ್ಲಿ ಹಿಡಿದು ಇದು ಹೀಗೆ, ಎಂದು ನಿಖರವಾಗಿ ಹೇಳಲು ಸಾಧ್ಯವಿಲ್ಲ. ವೈಜ್ಞಾನಿಕ ಆಧಾರ ಮತ್ತು ಪುರಾವೆಗಳಿಗನುಗುಣವಾಗಿ, ನಮ್ಮಂತೇ ಇರುವ ದೈಹಿಕವಾಗಿ ಮತ್ತು ಭೌತಿಕವಾಗಿ ಒಂದೇ ಹೋಲಿಕೆವುಳ್ಳ ಆಧುನಿಕ ಮಾನವನ ವಿಕಾಸ ಸುಮಾರು ೨೫ ಸಾವಿರ ವರ್ಷಗಳಿಗಿಂತ ಹೆಚ್ಚಾಗಿಲ್ಲ. ಅದಕ್ಕೂ ಮುಂಚೆ ನಿಯಾಂಡ್ರ್ತಾಲ್ ಮತ್ತು ಕ್ರೋಮಾಗ್ನಾನಾನ್ ಮಾನವರ ಅವಶೇಷಗಳು ಮತ್ತು ಪಳೆಯುಳಿಕೆಗಳು ಯುರೋಪ್ ಖಂಡದಲ್ಲಿ ಕಂಡುಬಂದಿವೆ. ಮಾನವನ ಉಗಮ ಆಫ್ರಿಕಾ ಎಂದು ನಂಬಲಾಗಿದೆ ವೈಜ್ಞಾನಿಕವಾಗಿ.
ಇಂದಿನ ಆಧುನಿಕ ಮಾನವ ನಮಗೆ ಮತ್ತು ಇತರ ಎಲ್ಲಾ ಜೀವ ಪ್ರಭೇದಗಳಿಗೆ ಜೈವಿಕವಾಗಿ ಯಾವ ವ್ಯತ್ಯಾಸವೂ ಇಲ್ಲ. ನಾವು ಅಂದುಕೊಂಡಂತೆ ನಮ್ಮ ಯೋಚನಾಸಾಮರ್ಥ್ಯ, ಕಲ್ಪನೆ, ನೆನಪು, ಭುದ್ದಿಶಕ್ತಿ ಇವೆಲ್ಲವೂ ಮೂಲಭೂತವಾಗಿ ಜೈವಿಕ ವಿಕಾಸದ ಹಾದಿಯಲ್ಲಿ ಸ್ವಾಭಾವಿಕವಾಗಿ ಉಂಟಾಗಿರುವ ಮಾರ್ಪಾಡಿನ ಫಲಿತಾಂಶ. ಹಳ್ಳ ತಿಟ್ಟುಗಳ ವಕ್ರ ಮೇಲ್ಮೈ ಇಂದಾದ, ಒತ್ತಾಗಿ ಗರಿಷ್ಟ ಸಂಖ್ಯೆಯಲ್ಲಿ ಜೋಡಿಸಲ್ಪಟ್ಟ ನರಕೋಶಗಳಿಂದಾದ ಮಿದುಳು, ಅದರ ವಿಸ್ತಾರವಾದ ಮಡಿಕೆಯಾಗಿರುವ ಮೇಲ್ಮೈ ವಿಸ್ತೀರ್ಣ ಇತ್ಯಾದಿ ನಮ್ಮ ಇಂದಿನ ಬುದ್ಧಿಗೆ ಕಾರಣ. ಇದರೊಟ್ಟಿಗೆ ಮಾನವನಲ್ಲಿ ವಿಕಾಸಗೊಂಡ ದ್ವಿಪಾದಿ ಭಂಗಿ, ಲೇಖನವನ್ನಾಗಲಿ, ಸೂಜಿಯನ್ನಾಗಲಿ ಸರಾಗವಾಗಿ ಹಿಡಿಯಬಲ್ಲ ನಿಖರ ಹಿಡಿತ ಹಾಗೂ ಕತ್ತಿಯನ್ನಾಗಲಿ, ಎಕೆ.೪೭ ಆಟೋಮ್ಯಾಟಿಕ್ ಬಂದೂಕಾಗಲಿ ಗಟ್ಟಿಯಾಗಿ ಹಿಡಿಯಬಲ್ಲ ಶಕ್ತಿಯುತ ಹಿಡಿತ ಹೊಂದಿರುವ ಚಲಿಸಬಲ್ಲ ಕೈ ಮತ್ತು ಇತರ ಅವಯವಗಳು ಮತ್ತು ಅತಿಮುಖ್ಯವಾಗಿ ಇಕ್ಕಣ್ಣನೋಟ ಇತ್ಯಾದಿ. ಈ ಬದಲಾವಣೆಗಳೆಲ್ಲವೂ ಪ್ರಕೃತಿ ಆಯ್ಕೆಯಲ್ಲಿ ಯಶಸ್ವಿಯಾದುದರ ಫಲವೇ ಇಂದಿನ ಮಾನವನ ದೈತ್ಯ ಶಕ್ತಿಯ ಪರಿಸ್ಥಿತಿಗೆ ಕಾರಣ. ಈ ಎಲ್ಲಾ ಬದಲಾವಣೆಗಳು ಮಾನವನ ಇರುವಿಕೆಯ ಸಾಮರ್ಥ್ಯವನ್ನು ಹೆಚ್ಚಿಸಿ ಈ ಪ್ರಭೇದಕ್ಕೆ ನಿಯಂತ್ರಣ ತಂತ್ರವೇ ಇಲ್ಲವಾಗಿದೆ. ಮನುಷ್ಯನ ಸಾಮರ್ಥ್ಯವನ್ನು ಪ್ರಶ್ನಿಸುವ ಅಥವಾ ನಿಯಂತ್ರಿಸುವ ಯಾವುದೇ ಪ್ರಭೇದ ಜೀವಿ ಇಂದು ನಮ್ಮ ಪರಿಸರದಲ್ಲಿಲ್ಲ. ಎಲ್ಲವನ್ನು ಅನವಶ್ಯಕವಾಗಿ ಬಳಸಿ ನಾಶಮಾಡಿದ್ದಾನೆ ಇಲ್ಲವೇ ತನ್ನದೇ ಸ್ವಾರ್ಥಕ್ಕೆ ಪಳಗಿಸಿದ್ದಾನೆ. ಮತ್ತು ಎಲ್ಲವನ್ನೂ ತನ್ನ ಉಪಯೋಗಕ್ಕಾಗಿ ಬಳಸಿಕೊಳ್ಳಬಲ್ಲ ಸಾಮರ್ಥ್ಯ ಹೊಂದಿದ್ದಾನೆ. ತನಗೆ ಅನುಕೂಲಕರವಾದ ಪರಿಸರವನ್ನು ಗ್ರಹದ ಯಾವುದೇ ಭಾಗದಲ್ಲಿ ನಿರ್ಮಿಸುವ ಶಕ್ತಿಗಳಿಸಿದ್ದಾನೆ.
ಮಾನವನ ಸಂತತಿಯನ್ನು ಸ್ವಾಭಾವಿಕವಾಗಿ ನಿಯಂತ್ರಿಸುತ್ತಿದ್ದ ವನ್ಯ ಪ್ರಾಣಿ ಪ್ರಭೇದಗಳು, ಹಾವುಗಳು ಇತ್ಯಾದಿಗಳಿಗೆ ಆಶ್ರಯಕೊಡುವ ದಟ್ಟಕಾಡುಗಳು, ಅಕಾಲ ವಲಸೆಯನ್ನು ಸೀಮಿತಗೊಳಿಸುತ್ತಿದ್ದ ನದಿಗಳು, ಸಾಗರಗಳು ಎಲ್ಲವನ್ನು ಆಕ್ರಮಿಸಿದ್ದಾನೆ. ಪಾತಾಳಹೊಕ್ಕು ಅದರ ಗರ್ಭಸೀಳಿ ಅವಶೇಷವನ್ನು ಹೆಕ್ಕಿ ಹೀರಿದ್ದಾನೆ. ನರಭಕ್ಷಕ ವನ್ಯ ಮೃಗಳಿಂದ ಹಿಡಿದು ಸಾಂಕ್ರಾಮಿಕ ರೋಗಗಳನ್ನುಂಟು ಮಾಡಿ ಜನಸಂಖ್ಯೆಯನ್ನು ನಿಯಂತ್ರಿಸುತ್ತಿದ್ದ ಸೂಕ್ಷ್ಮಾಣುಗಳಾದ ಬ್ಯಾಕ್ಟೀರೀಯ ಮತ್ತು ವೈರಸ್ ಗಳ ಪ್ರಭಾವನ್ನು ತಾನೇ ನಿಯಂತ್ರಿಸಿ ಸಾವನ್ನೇ ಗೆದ್ದಿದ್ದಾನೆ ಎನ್ನುವಷ್ಟು ಪ್ರಾಭಲ್ಯ ಮೆರೆದಿದ್ದಾನೆ. ಸುಮಾರು ೧೦೦೦೦ ವರ್ಷಗಳ ಹಿಂದೆ ಇಡೀ ಜಗತ್ತಿನ ಒಟ್ಟು ಜನಸಂಖ್ಯೆ ಕೇವಲ ಒಂದು ಕೋಟಿ ಎಂದು ನಂಬಲಾಗಿದೆ. ಅಂದರೆ ೪೦೦ ಮಿಲಿಯನ್ ವರ್ಷಗಳ ಧೀರ್ಘ ವಿಕಾಸದ ಇತಿಹಾಸದ ಇದೇ ಪರಿಸರದಲ್ಲಿ ಕೇವಲ ೧೦೦೦೦ ವರ್ಷಗಳ ಅವಧಿಯಲ್ಲಿ ೬೦೦ ಕೋಟಿಗಿಂತ ಹೆಚ್ಚು ಜನರು ಈ ಗ್ರಹದಲ್ಲಿ ತುಂಬಿತುಳುಕುತ್ತಿದ್ದಾರೆ. ಯೋಚಿಸಿ, ಇದೇ ಭೂಮಿಯಲ್ಲಿ, ಅಷ್ಟೇ ಜಾಗದಲ್ಲಿದ್ದ ಇತರ ಜೀವಿಗಳನ್ನು ನಾಶಪಡಿಸಿ ನಾವು ಜೀವಿಸುತ್ತಿದ್ದೇವೆ ಇತರಪ್ರಭೇಧಗಳ ಆವಾಸದಲ್ಲಿ. ಈಗ ಇನ್ನು ಬಾಕಿ ಇರುವುದೆಂದರೆ ಸಾವು ಬಾರದಂತೆ ಚಿರಂಜೀವಿ ಯಾಗಿಸುವುದು ಮಾತ್ರ. ಆದರೆ ಹುಟ್ಟಿಗೆ ಅತಿಮುಖ್ಯ ಸಾವು, ಸಂಸ್ಲೇಷಣೆಗೆ ವಿಘಟನೆ ಅಗತ್ಯವಿದ್ದಂತೆ.
ಈ ಬದಲಾವಣೆಗಳು, ಅಥವಾ ಮಾರ್ಪಾಡುಗಳು ಅಥವಾ ಹೊಂದಾಣಿಕೆಗಳು ಸತತವಾಗಿ ನಡೆಯುವ ಪ್ರಾಕೃತಿಕ ಪ್ರಕ್ರಿಯೆಗಳು. ಹೀಗಾಗಿ ಇಂದು ನೋಡುತ್ತಿರುವ ಮಾನವನ ದೈತ್ಯ ಶಕ್ತಿಯ ಪ್ರದರ್ಶನ ಸಹಾ ಪರಿಸರದ ನಿಲ್ಲದ ಒಂದು ಕ್ರಿಯಾಶೀಲ ಹಂತ. ಈ ಅನುಕೂಲಕರ ದೈಹಿಕ ಹಾಗೂ ಭೌದ್ಧಿಕ ಮಾರ್ಪಾಡುಗಳು ವಿಧ್ವಂಸಕಾರಿಯಾಗಿ ಪರಿಸರ ಮತ್ತು ಅದನ್ನು ಹೊತ್ತ ಈ ನಾಗರೀಕ ಜಗತ್ತು ಯಾರಿಗೂ ಸ್ಪಷ್ಟವಾಗಿ ಅರ್ಥವಾಗದ ಪ್ರಕ್ಷುಭ್ದ ಮತ್ತು ಗೊಂದಲಮಯ ಸ್ಥಿತಿತಲುಪಿದೆ.
ಇಂದಿನ ಈ ಗೊಂದಲಮಯ, ಕೋಲಾಹಲದ ಅಸಮತೋಲನ ಸಾಮಾಜಿಕ, ಜೈವಿಕ ಹಾಗೂ ಇತರ ಎಲ್ಲಾ ಪ್ರಗತಿಶೀಲ ಬೆಳವಣಿಗೆಗಳು ನಮಗೆ ಅರಿವಿಲ್ಲದೆ ನಡೆಯುತ್ತಿರುವ ಪರಿಸರದ ವಿಕಾಸೀಯ ಸೂತ್ರದ ಒಂದು ವಿಧಾನ. ಪರಿಸರದ ಯಾವುದೇ ಹಂತ ಪ್ರಕ್ಷುಭ್ದ ಹಂತ ತಲುಪಿದಾಗ ಪರಿಸರದ ಆವಾಸಗಳಲ್ಲಿ ಅನಿರೀಕ್ಷಿತ, ಅನೂಹ್ಯ ಏರುಪೇರುಗಳಾಗುವುದು ಸ್ವಾಭಾವಿಕ. ಯಾವರೀತಿಯಲ್ಲಿ, ಯಾವಾಗ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಇಂದಿನ ಅಸುಂತಲನ ಅಸ್ವಾಭಾವಿಕ ಸ್ಥಿತಿಯನ್ನು ಸುಧಾರಿಸುವ ವಿಧಾನಗಳು ಪ್ರಕೃತಿಯೇ ಆಯ್ಕೆ ಮಾಡುತ್ತದೆ. ಸಂಪನ್ಮೂಲಗಳ ತ್ವರಿತ ಬಳಕೆಯ ಪರಿಣಾಮ ಪರಿಸರ ಮಾಲಿನ್ಯ ವಿಶಕಾರಿ ಮಟ್ಟವನ್ನು ತಲುಪಿ ಕಂಡು ಕೇಳರಿಯದ ಮಹಾರೋಗಗಳಿಗೆ ತುತ್ತಾಗಬಹುದು. ಮಹಾಯುದ್ಧಗಳಾಗಬಹುದು. ಸಾಗರದಡಿಯ ಭೂಕಂಪದ ಪರಿಣಾಮ ವಿನಾಶಕಾರಿ ಸುನಾಮಿ ಅಲೆಗಳೆದ್ದು ದೇಶಗಳು ಮುಳುಗಡೆ ಯಾಗಬಹುದು, ಹಿಮಯುಗ ಉಂಟಾಗಬಹುದು, ಉಲ್ಕೆಗಳು ಬಂದು ಬಡಿದು ಪ್ರಳಯಸ್ಥಿತಿಯೂ ಉಂಟಾಗಬಹುದು.ಯಾವುದೋ ಒಂದು ನೈಸರ್ಗಿಕ ವಿಧಾನದಲ್ಲೇ ಅಸಮತೋಲನವನ್ನು ತೊಡೆದುಹಾಕಿ ಮತ್ತೊಂದು ಹೊಸ ಜೀವವಿಕಾಸ ಆರಂಭವಾಗಬಹುದು. ವಿಕಾಸದ ಮಹಾ ಚಕ್ರೀಯ ಚಲನೆ ನಿಲ್ಲುವುದಿಲ್ಲ ಎಂದೆಂದಿಗೂ. ಯಾರು ಅಥವಾ ಯಾವುದು ಅನಿವಾರ್ಯವಲ್ಲ ಈ ಪ್ರಕೃತಿಗೆ. ನೀವಿರಲಿ ಇಲ್ಲದಿರಲಿ. ಚಲಿಸುತ್ತದೆ ತನ್ನದೇ ಹೊಸ ಸಂಯೋಜನೆಯೊಂದಿಗೆ.
ಈಗಲೂ ಮನಸ್ಸುಮಾಡಿದರೆ ಇರುವ ಈಗಿರುವ ಪ್ರಸ್ತುತ ಕೃಶವಾದ ಪ್ರಕೃತಿಯನ್ನು ಉಳಿಸಿಕೊಳ್ಳಬಹುದು. ಆದರೆ ಅದಕ್ಕಾಗಿ ನಾವು ನಮ್ಮೆಲ್ಲಾ ನಾಗರೀಕತೆಯನ್ನು ತೊರೆದು ನಿಸರ್ಗ ಜೀವಿಗಾಳಬೇಕು. ಸಾಧ್ಯವೇ?. ಅನವಶ್ಯಕ ಮೋಜಿನ ವಿಲಾಸಿ ಜೀವನಶೈಲಿಯನ್ನು ಬದಲಿಸಿ ಕೇವಲ ಮೂಲಭೂತ ಅಗತ್ಯಗಳಿಗೆ ನಮ್ಮ ಚಟುವಟಿಕೆಗಳನ್ನು ಸೀಮಿತಗೊಳಿಸಿದರೆ ನಮ್ಮ ಮಾನವನ ನಾಗರೀಕತೆಯನ್ನು ಕೆಲವು ಶತಮಾನಗಳಷ್ಟು ಮೂಂದೂಡಬಹುದು.
ಆದರೆ ಊಹಿಸಿಕೊಳ್ಳಿ. ವಿದ್ಯುತ್ ಇಲ್ಲದ ಜೀವನವನ್ನು!!! ಇದು ಸಾಧ್ಯವೇ? ಅಸಾಧ್ಯ....! ಸಿದ್ಧರಾಗಿರಿ ಮುಂದಿನ ಘಟನೆಗಳಿಗೆ. ನಿಸರ್ಗನಿಯಮವೇ ನಿಮ್ಮ ಕೈಗೆ ಶಕ್ತಿಕೊಟ್ಟಿದೆ. ಆ ಶಕ್ತಿಯನ್ನು ಬಳಸಿಕೊಳ್ಳುವ ಯೋಗ್ಯತೆ ನಿಮಗಿಲ್ಲ ಆ ಶಕ್ತಿಯಿಂದಲೇ ನಿಮ್ಮನ್ನೇ ಬಲಿತೆಗೆದುಕೊಂಡು ಹೊಸ ಸಮತೋಲನ ಪರಿಸರ ಸೃಷ್ಟಿಸುತ್ತದೆ. ಅದರಲ್ಲಿ ನಾನಾಗಲಿ, ನೀವಾಗಲಿ ಇರುವುದಿಲ್ಲ..

Tuesday, October 3, 2017

ಅನ್ವೇಷಣೆ.

ತೂಗುತಿದೆ ಮನಸು ಲೋಕದ ಲೋಲಕ
ಗೌರಿಶಂಕರ ಶಿಖರದ ತುಟ್ಟತುದಿಯಿಂದ
ಪೆಸಿಫಿಕ್ ಸಾಗರದ ಆಳದಲ್ಲಡಗಿರುವ ತಳರಹಿತ ಪ್ರಪಾತ 
ಮಾರಿಯಾನ ಕತ್ತಲ ಕಂದಕದ ವರೆಗೆ,
ನಿರಂತರ ಆವರ್ತನದಲ್ಲಿ ಜೋತುಬಿದ್ದಿವೆ ಅಪಾಯದಲ್ಲಿ
ಉಯ್ಯಾಲೆಯ ತೂಗಾಟದಲ್ಲೇ ಭ್ರಮೆ, ತಲೆತಿರುಗಿ ಮಂಪರು
ಎತ್ತರ, ಆಳಗಳ ವ್ಯತ್ಯಾಸವಿಲ್ಲ, ದಿಕ್ಕಿಲ್ಲದ ನೋಟ ದಿಗಂತ ಬಯಲಲ್ಲಿ
ಗಾಳಿಯನು ಹಿಡಿಯದ ಗುರುತ್ವ ಅಲ್ಲಿ ಎಲ್ಲವೂ ನಿರ್ವಾತ...
ಕಗ್ಗತ್ತೆಲೆಯ ಕಂದರದಲಿ ಅತಿ ಸಾಂದ್ರ ಒತ್ತಡ,ಬಾಳಿನ ವಿಸ್ಪೋಟ
ಬದುಕೆಲ್ಲ ಛಿಧ್ರ,ಛಿಧ್ರ ಹರಡಿದೆ ಎಲ್ಲೆಲ್ಲೂ
ಬೆಸೆದ ಕೊಂಡಿ ಲೋಹದ ಗುಂಡಿಗೆ ಬಿಗಿದು,
ಸಿಡಿಗಂಬಕೆ ಕಟ್ಟಿ,ತೂಗುಬಿಟ್ಟ ದಾರದ ತುದಿ
ತಿರುಗುತ್ತಲೇ ಇದ್ದಾನೆ ಜೋಗಿ ನುಂಕಪ್ಪ
ತನ್ನದೇ ಬಂಡೆ ಗುಡ್ದಗಳ ಸಾಮ್ರಾಜ್ಯದಲ್ಲಿ
ಹುಡುಕಿ,ಹೆಕ್ಕಲು ಹೊರಡಬೇಕಿದೆ ತ್ವರಿತದಲ್ಲಿ
ಆರಂಭವಾಗಬೇಕಿದೆ ಮತ್ತೊಮ್ಮೆ ಮಹಾ ಅನ್ವೇಷಣೆ

Tuesday, September 19, 2017



Drive Safely…
If someone asks me to name the oldest religion known in the human history,
I cannot reply, I will not, as I am not obliged to, by anyone.
If forced? My reply would be simply “I don’t know and I don’t want to….” 
Any religion for the matter of fact is like.
‘Old wine in the new bottle…..’
But one thing I am sure about is….
These are deadly intoxicating elixir infections
And this potion is sold in many brand names with suitable percentage of the spirit levels.
This decoction is served in prescribed but different glasses for various brands and flavours…
Some may prefer as a raw brew and some may like with soda or water….!!!!
A mixture, a drink and drought tonic.
By the way addicts are too many…..So there is a statuary warning in place.
That warns all…

”Never get drunk and drive your road.”
The path is still far stretching for you to reach your home.

Wednesday, September 13, 2017

ಪ್ರಸ್ತುತ 
ಎಲ್ಲರೂ ತಮ್ಮ, ತಮ್ಮ, ನಿಲುವಿನ, ಸಿದ್ಧಾಂತದ, ನೀತಿಯ, ಧರ್ಮದ, ದೇವರ, ಮನುಕುಲದ ಏಳಿಗೆಯ ಆದರ್ಶಗಳ ಉನ್ಮಾದದಲ್ಲಿ ಅವರದೇ ಶ್ರೇಷ್ಟತೆಯ ಭವ್ಯ ಸಾರಭೌಮತ್ವವನ್ನು ಎಲ್ಲೆಕಡೆಯೂ ಶಾಶ್ವತವಾಗಿ ಸ್ಥಾಪಿಸಲು ತೀರಾ ಉತ್ಸುಕರಾಗಿರುವ ಮಂದಿಯಿಂದ ತುಂಬಿತುಳುಕುತ್ತಿರುವ ಈ ಪುಟ್ಟ ಗ್ರಹದಲ್ಲಿ...ಯಾವುದೂ ಸರಿ ಇಲ್ಲ, ಸರಿ ಇರಲಿಲ್ಲ, ಇರುವುದೂ ಇಲ್ಲ....ಈ ಸಮಾಜದಲ್ಲಿ, ಪರಿಪೂರ್ಣ ಸಾಮಾಮತೆ ಎನ್ನುವ ಯೋಚನೆ ನಮ್ಮ ಆಳುವ ಮನಸ್ಸಿನ ಅಭಿವ್ಯಕ್ತಿಗಳು ಅಷ್ಟೇ. ಒಂದುವೇಳೆ ಆದು ಇದೆ ಅಥವಾ ಇರಬಹುದು ಅಥವಾ ಉಂಟುಮಾಡುತ್ತೇವೆ ಎನ್ನುವುದು ಮನುಷ್ಯಚಿಂತನೆಯ ಸಂಕುಚಿತ ಜ್ಞಾನವನ್ನು ತೋರಿಸುತ್ತದೆ. ಇದು ಅಸಹಜ, ಅಪ್ರಾಕೃತಿಕ. 
ಎಲ್ಲವೂ ಸರಿಯಾಗಿದೆ ಅಥವಾ ಸರಿಯಾಗಿಸುತ್ತೇವೆ ಎಂಬ ಯಾರೊಬ್ಬರದೇ ಆದ ಭ್ರಮೆ ಪರಿಪಕ್ವ ಮನಸಿನ ಮಾಪಕವಲ್ಲ. ಯಾವುದೂ ಸರಿ ಇಲ್ಲ, ಅದರೆ ಇದೇ ಸರಿ ಹಾಗೂ ಇದು ಎಲ್ಲವೂ ಹೀಗೆ....ಈ ಸ್ಥಿತಿಯೇ ವಾಸ್ತವ. ಅಸ್ತಿತ್ವ ಅಸಂಗತ, ಬದುಕು ಯಾರಿಗೂ ಸಿಗದ ಸರಳ ಸಮೀಕರಣ. ಬಿಡಿಸಲು, ಶೂನ್ಯವಾಗುವ ಭಾಗಕಾರದಲ್ಲಿ ಗಣಿತ ಅಗಣ್ಯ. ಇಂದು ಕಾಣುವ ಈ ಪ್ರಪಂಚದ ತೀವ್ರ ಪ್ರಕ್ಷುಭ್ದ ಸ್ಥಿತಿ ವಿಕಾಸದ ಒಂದು ಅನಿವಾರ್ಯ ಉಪಕರಣ. ಈ ಘಟ್ಟದ ಘಟನೆಗಳಲ್ಲಿ ಹೋರಾಟದ ಸ್ವರೂಪಬದಲಾಗಿದೆ ಅಷ್ಟೇ.
ನಿಲ್ಲದ ಪರಿಸರದ ಏರುಪೇರುಗಳು, ಸತತ ಬದಲಾಗುವ ಚಂಚಲ ಪರಿಸರ. ಅದಕ್ಕನುಗುಣವಾಗಿ ವಿಕಾಸದ ನಿರಂತರತೆಯನ್ನು ಯಾವುದೋ ಸಿದ್ದಾಂತ, ತತ್ವ, ಆದರ್ಶಗಳ ಚೌಕಟ್ಟಿನಲ್ಲಿ ನೇತುಹಾಕಿ ಭಜನಾ ಮಂಡಳಿಯನ್ನು ತೆರೆದು ಇತಿಹಾಸವಾಗಿಸಿ ನಮ್ಮ ಸೀಮಿತ ಪ್ರಜ್ಞೆಯನ್ನು ಮೆರೆಯುವುದು, ಈಗಿನ ಅತಿವಿವೇಕಿ, ಮಾನವಪ್ರೇಮಿ ಅಂದುಕೊಂಡಿರುವ ಮಾನವನ ದುರಂತ.
ಮನುಷ್ಯ ತಾನೆಂದುಕೊಂಡಷ್ಟು ಬುದ್ದಿವಂತನಲ್ಲ.ಕಾರಣ ಅವನು ಕೇವಲ ಮಾನವಪ್ರೇಮಿ ಮಾತ್ರ. ಅವನ ಯೋಚನೆಯಲ್ಲಿ, ಯೋಜನೆಯಲ್ಲಿ ಜೀವಿಪ್ರೇಮ ಎಂಬ ಅರಿವು, ಜಾಗೃತಿ ಇನ್ನೂ ಉಂಟಾಗಿಲ್ಲ. ಜೀವಿಗಳಿಗೆ ಬದುಕಲು ಬುದ್ದಿಬೇಕಿಲ್ಲ.ಸಾಯದೇ ಜೀವಂತ ಉಳಿಯುವುದು ಸಹಜಪ್ರವೃತ್ತಿ. ಹೋರಾಟ, ಪೈಪೋಟಿ ಎಲ್ಲಾಜೀವಿಗಳಿಗೂ ಅನ್ವಯಿಸುತ್ತದೆ ಹಾಗೂ ಇದು ಅನಿವಾರ್ಯಕೂಡ. ಏಷ್ಟೇ ಪ್ರಗತಿಶೀಲ ಅಂದು ಕೊಂಡರೂ.....ತಾತ್ಕಲಿಕ ಇರುವಿಕೆಯ ಇತಿಮಿತಿಯಲ್ಲಿ ಅನೂಹ್ಯವಾದ ಈ ಅನಂತಕಾಲವನ್ನು, ಅದರ ಗತವನ್ನು, ಭವಿಷ್ಯವನ್ನು ಈ ಕ್ಷಣದಲ್ಲಿ ಶಾಶ್ವತಗೊಳಿಸುವ ಜನರ ನಡುವೆ ಬದುಕುತ್ತಿದ್ದೇವೆ.

Tuesday, September 12, 2017

September-12-2017.
ಜೀವಜಾಲ 
ಜೀವಜಾಲದ ಜಟಿಲ ಪೈಪೋಟಿ
ಅನಾದಿ ಕಾಲ ಹೋರಾಟ ಮುಂದುವರಿದಿದೆ ಇಂದು
ಅರಿವಾಗದ ಮಹಾಸಂಗ್ರಾಮದ ಮೂಲ ಆ ಪ್ರಭೇದ
ಹೋರಾಟದ ಮನವರಿಕೆ ಅನಿವಾರ್ಯ ಕ್ರಮೇಣ
ವಿಕಸನವೇ ವಿನಾಶ, ವಿಕಾಸ ಪೂರೈಸುವ ಚಕ್ರ
ತಾನೇ ತಾನಾಗಿ ಅಹಃ ಪರಿವರ್ತನೆ ಅವತರಣ
ದೇಹಗತ ಹವ್ಯಾಸ ಆಗಿಹೋಯಿತು ಅಭ್ಯಾಸ,
ಅನುವಂಶೀಯ ಹರಿದಿದೆ ಸಹಜಪ್ರವೃತ್ತಿಯಂತೆ
ಕೊಬ್ಬಿ ಕೊನರಿದ ಆ ಮೇಲರಿಮೆಯ ಅಮಲು
ಮನುಕುಲದ ಮನವರಿಕೆ, ರೂಪಾಂತರಿ ಸಂಸ್ಕೃತಿ
ಮೆರಗಿನ ಬದುಕಿಗೆ ತೋರಿಕೆಯ ಸೊರಗಿನ ಸೋಗು
ಇರುವೇ ಅಸಹ್ಯ, ಕುಲಾಂತರಿ ಅನಗತ್ಯ
ಪೊಳ್ಳು ಕರಗಿಸಿ ಟೊಳ್ಳಾಗಲು ಇರಬೇಕು ಸಿಧ್ದ.
ಖಾಲಿಯಾಗ ಬೇಕಿದೆ ನಾವು ಆ ಧ್ಯೇಯದಲ್ಲೇ
ಅರಿವಾಗಲಿ ತಾತ್ಕಾಲಿಕ ನಿರ್ವಾತದ ಅನುಭವ.
ಅಪರೂಪದ ಹಗುರತೆಯ ಗುರುತ್ವಮೀರಿದ ಖುಷಿ
ಶೇಖರಿಸಬೇಕಿದೆ ಅಗೋಚರ ಅಂಶಗಳ ತುಂಬಿ
ಆದರೆ, ಎಲ್ಲೋ ಸೋರಿಕೆಯಾಗಿ, ಎಲ್ಲವೂ ಮಾಯ,
ಖಾಲಿತನ ಖಾಯಂ ಅಗಿ ಉಳಿದ ಎಂಜಲು ನಮಗೆ
ತಾಳಿ, ನಾವೆಲ್ಲಾ ಪಳಿಯುಳಿಕೆಯಾಗುವ ವರೆಗೆ

Saturday, September 9, 2017



7-9-2017.

The clueless clouds chased by the untamed winds 
have run helter-skelter in the sky
It rains somewhere or everywhere
The ruts and the rivulets of the city roads are trickling 
The rain water is muddy and thick with blood
I am scared to venture out as out there
It is still raining intermittently
Now I am feeling sick with nausea....




10-09-2017.

ಲಂಗು, ಲಗಾಮು ಇಲ್ಲದ ನಿರ್ಭಯ ಪ್ರಾಣವಾಯು 
ರಬಸದಲಿ ಅಟ್ಟಿಸಿಕೊಂಡು ಬರುವ ವೇಗಕ್ಕೆ ಒಮ್ಮೊಮ್ಮೆ
ಸುಳುವಿಲ್ಲದ, ಮೋಡಗಳು ಹೆದರಿ ಆಗಸದಲಿ ದಿಕ್ಕಾಪಾಲು
ಅಲ್ಲಿಲ್ಲಿ ಮಳೆ, ಕೆಲವೆಡೆ ಗುಡುಗು, ಗುಂಡು ಸಂಚಿನ ಆರ್ಭಟ

ಎಲ್ಲೆಲ್ಲೂ ಮೋಡದ ಮಂಪರು, ಕೊಚ್ಚಿ ಹೋಗುವುದಿಲ್ಲ ಕಳೆ
ಬೀದಿಯಲಿ ನೂರಾರು ಕಿರು ಹೊಳೆಗಳು,ಮುಕ್ತವಾಗಿವೆ ಗುಂಡಿಗಳು
ಉಕ್ಕಿಹರಿದ ರಸ್ತೆಗಳಲ್ಲಿ, ಮರಣ ತುಂಬಿ ತುಳುಕುವ ಗುಂಡಿಗಳಲ್ಲಿ
ಕೆಂಪಾದ ವಂಡು ನೀರು ರಕ್ತ ಜಿನುಗುತಿದೆ ಸಾವು ರಾಡಿಯಾಗಿ
ಒಸರುತಿದೆ ಮಂದವಾಗಿ ಹೆಪ್ಪುಗಟ್ಟಿ, ಅನಾಥಬಿದ್ದ ಜಡದೇಹ
ಅವ್ಯಕ್ತ ಹಿಂಜರಿಕೆ, ಹೊಂಚುಹಾಕುವ ಸಂಚು,ಹಂತಕನ ಪಹರೆ
ಯಾವುದೋ ಸೋಂಕಿಗೆ ವಾಕರಿಕೆ ಈಗ, ವಿರಕ್ತ ಬಿಳುಚಿದ ಮೋರೆ
ಕೊಚ್ಚಿಹೋಯಿತು ಪ್ರವಾಹದಲಿ ಕುರುಹು,ಸುಳಿಯಲ್ಲಿಸುಳುವೆಲ್ಲಿ?

A weed is a weed 
for ever an unwanted breed
Never sow them and treat with your greed...


AA weed is a weed 
for ever an unwanted breed
Never sow them and treat with your greed... weed is a weed 
fA weed is a weed 
for ever an unwanted breed
Never sow them and treat with your greed...or ever an unwanted breed
Never sow them and treat with your greed...

Blog Archive