Tuesday, September 12, 2017

September-12-2017.
ಜೀವಜಾಲ 
ಜೀವಜಾಲದ ಜಟಿಲ ಪೈಪೋಟಿ
ಅನಾದಿ ಕಾಲ ಹೋರಾಟ ಮುಂದುವರಿದಿದೆ ಇಂದು
ಅರಿವಾಗದ ಮಹಾಸಂಗ್ರಾಮದ ಮೂಲ ಆ ಪ್ರಭೇದ
ಹೋರಾಟದ ಮನವರಿಕೆ ಅನಿವಾರ್ಯ ಕ್ರಮೇಣ
ವಿಕಸನವೇ ವಿನಾಶ, ವಿಕಾಸ ಪೂರೈಸುವ ಚಕ್ರ
ತಾನೇ ತಾನಾಗಿ ಅಹಃ ಪರಿವರ್ತನೆ ಅವತರಣ
ದೇಹಗತ ಹವ್ಯಾಸ ಆಗಿಹೋಯಿತು ಅಭ್ಯಾಸ,
ಅನುವಂಶೀಯ ಹರಿದಿದೆ ಸಹಜಪ್ರವೃತ್ತಿಯಂತೆ
ಕೊಬ್ಬಿ ಕೊನರಿದ ಆ ಮೇಲರಿಮೆಯ ಅಮಲು
ಮನುಕುಲದ ಮನವರಿಕೆ, ರೂಪಾಂತರಿ ಸಂಸ್ಕೃತಿ
ಮೆರಗಿನ ಬದುಕಿಗೆ ತೋರಿಕೆಯ ಸೊರಗಿನ ಸೋಗು
ಇರುವೇ ಅಸಹ್ಯ, ಕುಲಾಂತರಿ ಅನಗತ್ಯ
ಪೊಳ್ಳು ಕರಗಿಸಿ ಟೊಳ್ಳಾಗಲು ಇರಬೇಕು ಸಿಧ್ದ.
ಖಾಲಿಯಾಗ ಬೇಕಿದೆ ನಾವು ಆ ಧ್ಯೇಯದಲ್ಲೇ
ಅರಿವಾಗಲಿ ತಾತ್ಕಾಲಿಕ ನಿರ್ವಾತದ ಅನುಭವ.
ಅಪರೂಪದ ಹಗುರತೆಯ ಗುರುತ್ವಮೀರಿದ ಖುಷಿ
ಶೇಖರಿಸಬೇಕಿದೆ ಅಗೋಚರ ಅಂಶಗಳ ತುಂಬಿ
ಆದರೆ, ಎಲ್ಲೋ ಸೋರಿಕೆಯಾಗಿ, ಎಲ್ಲವೂ ಮಾಯ,
ಖಾಲಿತನ ಖಾಯಂ ಅಗಿ ಉಳಿದ ಎಂಜಲು ನಮಗೆ
ತಾಳಿ, ನಾವೆಲ್ಲಾ ಪಳಿಯುಳಿಕೆಯಾಗುವ ವರೆಗೆ

No comments:

Blog Archive