ಬಯಲು 

ಬಲಿತ ನಿಶ್ಚಲ, ನಿಸ್ತೇಜ ಜಡ ದೇಹಗಳ
ಹೊತ್ತು, ಶಿಶು ಶೂನ್ಯ ನೊಟದಲಿ,
ಹಸುಳೆಗಳ ಪಾಳಿಯಲಿ ಚಲಿಸುವ ನೋವುಗಳು
ಕೊಬ್ಬಿ ಕೊಳೆತ ಮೊಸಳೆಗಳ ರಾಗ, ರಗಳೆ
ಬತ್ತಿದ ಕಣ್ಣೀರ ಜಲಪಾತದಲ್ಲಿ
ನಿರ್ವಾತ ಅವಕಾಶ, ವಿಶಾಲ ಆಕಾಶದ ವಿಸ್ತಾರ
ಜಲರಹಿತ ತಡೆರಹಿತ ಅಣು ಆವೀಕರಣ
ತೂಗುಕಣಗಳು ಗುರುತ್ವದಲಿ ನಿಶ್ಚಲ
ಅಲ್ಲಿ, ಆ ಗುಂಡಿಯ ಕಂದರ
ಅಂತಃಕರಣ ಸದಾಸಿದ್ಧ ಹರಾಜಿಗೆ
ಕಲ್ಲಾಗಿ ಬಡಿತ, ಸ್ಥಗಿತ ಗುಂಡಿಗೆ,
ಏಳಲಾರದ ಹೆಣಭಾರ ಕ್ಕೆ ಮಂಕಾದ ಆತ್ಮ,
ಬೆಳಕಿನಲಿ ಕುರುಡಾಗುವ
ಮುಂಜಾನೆಯ ಕೊರಗು,
ಕಂಗಾಲಾಗಿದೆ ಕಗ್ಗಕತ್ತಲು ಕಕ್ಕಾಬಿಕ್ಕಿಯಾಗಿ
ಮಾನವತೆಯ ಜೀವಂತ ಪ್ರದರ್ಶನ.

Comments

Popular posts from this blog

ಕಾಗೆ....