ಕಂಬವಿಲ್ಲದ, ಬಂಬಿಲ್ಲದ, ಪಾರದರ್ಶಕ ಬೃಹತ್ ಚಪ್ಪರದಲ್ಲಿ ನೋಟ ಹರಿಯುವವರೆಗೂ ಜೇನುಹುಳುಗಳಂತೆ ಗುಯ್ ಗುಡುವ ಜನಸ್ತೋಮ, ನೆರೆದಿದೆ ಯಾವುದೋ ಸಮಾವೇಶಕ್ಕೆ ನಿಲ್ಲದ ಚಲನೆ, ಚಿಟುವಟಿಕೆ , ನಿರ್ಗಮನದ ಶಾಶ್ವತ ಚಲನೆ. ಎಂದಿನಿಂದ ಆರಂಭಗೊಂಡಿದೆ ಸಮಾರಂಭ? ಯಾವಾಗ ಮುಕ್ತಾಯ ಈ ಸಬೆ? ಕಾರ್ಯಕ್ರಮ ಸ್ವರೂಪ? ಇತ್ಯಾದಿ ವಿವರಗಳು ಯಾರಿಗೂ ಗೊತ್ತಿಲ್ಲ. ಯಾರು ಅದರ ಬಗ್ಗೆ ತಲೆ ಕೆಡಿಸಿಕೊಂಡಂತೆ ಕಾಣುವುದಿಲ್ಲ. ಗೌರವಾನ್ವಿತ, ಅತಿಥಿ , ಅಧ್ಯಕ್ಷರರ ಸುಳಿವಿಲ್ಲದ ಅತಿ ಮುಖ್ಯ ಸಭೆ ಚಾಲ್ತಿಯಲ್ಲಿದೆ ಯಾವ ಅಡೆತಡೆಗಳಿಲ್ಲದೆ. ನಿರ್ವಿಘ್ನ ಸಾಗುತಿದೆ ಒಂದಾದ ಮೇಲೊಂದು ಕಾರ್ಯಕ್ರಮಗಳು, ಪ್ರಕಟನೆಗಳು ಕೇಳುತ್ತಿವೆ...ಆದರೆ ವೇದಿಕೆ ಕಾಣುತ್ತಿಲ್ಲ, ಯಾವುದೇ ಘೋಷಣೆಗಳಿಲ್ಲ. ಇನ್ನೂ ಸಬಾಪತಿಗಳ ಸುಳಿವಿಲ್ಲ, ಸ್ವಯಂಸೇವಕರು ಕಾಣುತ್ತಿಲ್ಲ. ತಿಳಿದಿಲ್ಲ ಕಿಕ್ಕಿರಿದ ಪ್ರೇಕ್ಶಕರು ತುಳುಕುತ್ತಿದ್ದಾರೆ ಅಲೆಗಳಂತೆ... ತಲೆಗಳು, ದೇಹಗಳು ಕರಗಿ ಒಂದರಲ್ಲಿ ಬೆರೆತು, ಮುಖಗಳೇ ನಾಪತ್ತೆಯಾಗಿ ಹೊಸ ಕೀಟ ಪ್ರಭೇಧ ಸಮೂಹದಂತೆ ಗೋಚರಿಸಿದೆ. . ಕಲ್ಪನೆಗೆ ಬಾರದಷ್ಟು ವಿಸ್ತಾರ ಗೂಡು, ವಿಶಾಲ ಬಟಾ ಬಯಲು, ಅಲ್ಲಲ್ಲಿ ಅಲಂಕಿರಿಸಿದ್ದಾರೆ ಕೃತಕ ಹಸಿರನ್ನು, ಕಟ್ಟಿದ್ದಾರೆ ಕಾರ್ಡ್ ಬೋರ್ಡಿನಿಂದ ಬೆಟ್ಟ ತಮ್ಮ ಅಳತೆಗೆ ತಕ್ಕಂತೆ, ನದಿ ಹರಿಯುತಿದೆ ಫ್ಲೆಕ್ಸ್ ನ ಹಾಳೆಯಲ್ಲಿ. ಬೃಹತ್ ಕ್ಯಾನ್ ವಾಸ್ ಚಿತ್ರ ಯಾಕೋ ಮಬ್ಬಾಗಿದೆ, ಬಣ್ಣ ಮಾಸಿದೆ. ಬೃಹತ್ ಬಯಲ ಛಾವಣಿ ಕೆಳಗೆ ನೆರೆದವರು,ಎಲ್ಲರೂ ಪರದೇಶಿಗಳು, ಸ್ನೇಹ, ಪರಿಚಯದಿಂದ ದೂರ, ಎಲ್ಲರೂ ಆಗಂತುಕರು, ಆಚೀಚೆಯ ಜನಪರಿಚಯ ಅನಿವಾರ್ಯವೇನಲ್ಲ,ಮುಖಗಳು ಕಾಣದಿರುವಾಗ, ಜೈವಿಕ ವಹಿವಾಟು ಮಾಮೂಲು, ದೈತ್ಯ ಮಾನಿಟರ್ನಲ್ಲಿ ಎಲ್ಲವೂ ಸರಾಗ ಕಾಣುತಿದೆ... ಜೀವಂತ ಪ್ರಸಾರ, ಗುಂಪು ಘರ್ಷಣೆಗಳ ಸುದ್ದಿ ಕೇಳಬಹುದು. ಕಂಡ,ಕಂಡಲ್ಲಿ ಕಿಕ್ಕಿರದ ಜನ, ಭಯವಿಲ್ಲ, ಪರಸ್ಠಳವಾದರೂ, ಅಪರಿಚಿತ ಹಿಂಜರಿಕೆ ಲೇಶಮಾತ್ರವಿಲ್ಲ ಯಾರಿಗೂ. ಬಾಷಣ ಸಂಭಾಷಣೆ ನಡೆದಿದೆ, ಆದರೆ ಕೇಳಲಾರದಷ್ಟು ಗೋಜು, ಕಿವಿತಮಟೆ ಹರಿಯುವಷ್ಟು ಬೊಬ್ಬೆ, ಸಡಗರದ ಸಾಗರ ಉಕ್ಕಿ ನುಂಗಿದೆ ಶಾಂತ ತೀರವನ್ನು....
6-7 poems
Sheshagiri Jodidar November 23, 2018 · ಅಭಿವ್ಯಕ್ತಿ ವೃತ್ತಿಯಾದಾಗ, ತೀವ್ರತೆ ಹಾಗು ಪ್ರಾಮಾಣಿಕ ಸೃಜನಶೀಲತೆ ದಾರಿತಪ್ಪಿ ಕೇವಲ ಸುದ್ಧಿಯಾಗುತ್ತದೆ. ಗ್ರಹಿಕೆ, ಸ್ಪಂದನೆಗಳ ನಡುವಿನ ಅಂತರ ಸಾಮಾಜಿಕ ಸ್ವಾಸ್ಟ್ಯಕ್ಕೆ ಹಿತಕರ. ___________________________________________________________________________________ Sheshagiri Jodidar November 26, 2018 · ಗೋಡೆ. ಸಮಯಕ್ಕೆ ತಕ್ಕಂತೆ, ಅನುಕೂಲಕ್ಕನುಗುಣವಾಗಿ ಕಟ್ಟಿನಿಲ್ಲಿಸಬಹುದು ಗೋಡೆಗಳನ್ನು ಎಲ್ಲದರ ವಿಭಜನೆಯಲ್ಲಿ ಎಲ್ಲ ಕಡೆಯಲ್ಲೂ. ನಿರ್ಮಾಣ ಸಾಮಗ್ರಿಗಳ ಹೇರಳ ಲಭ್ಯತೆಯಲ್ಲಿ ಎತ್ತರಕ್ಕೆ ಮಿತಿ ಇಲ್ಲ, ವಿವಿದತೆಗೆ ಕೊರತೆಇಲ್ಲ ತಂತ್ರಜ್ಞಾನ ನವೀನ ಕಲಾಪ್ರಜ್ಞೆಯನ್ನು ಕೆಣುಕಿದಾಗ ಅಗಲ, ಆಳ,ವರ್ಣಮಯ ವಿನ್ಯಾಸಗಳು ದೃಶ್ಯಗ್ರಹಿಕೆಗೆ ಎಟುಕದೆ ದೃಷ್ಟಿದೋಶ . ಎಷ್ಟೋ ಸುತ್ತಿನ ಕೋಟೆಯಲಿ ಒಳ ಕೇಂದ್ರ ಪದರ ಪಾರದರ್ಶಕ ಭಿತ್ತಿ ಗೋಚರಿಸುವುದಿಲ್ಲ ಸಾಮಾನ್ಯದೃಷ್ಟಿಗೆ ಯಾವ ಯಂತ್ರಕ್ಕೂ ಎಟುಕುವುದಿಲ್ಲ, ಯಾವ ಮಂತ್ರಕ್ಕೂ ಮುಕ್ಕಾಗುವುದಿಲ್ಲ ಪುರಾತನ, ಪೌರಾಣಿಕ, ಐತಿಹಾಸಿಕ ಗೋಡೆ ಮಜಬೂತಾಗಿದೆ ಪ್ರಾಚೀನ ಗಾರೆಯ ತೇಪೆಯಿಂದ ಧೂಳೆಬ್ಬಿಸದೆ, ಬೀಳಿಸಿ,ನಿರ್ಣಾಮ ಮಾಡುವುದು ನಿಶ್ಯಭ್ದದಲಿ ಅಸಾಧ್ಯ, ಸುಲಭವೂ ಅಲ್ಲ ತಮ್ಮ ಕೋಶದಲಿ ಅಧಿಕಾರನಡೆಸುವ ಸಾಮ್ರಾಜ್ಯಶಾಹಿಗಳು...
Comments